சூரிய ஒளி உடலில் படுவதால் நமக்கு ஏற்படும்  எண்ணற்ற நன்மைகள்

பொதுவாக மனிதன் உயிர் வாழவும் உடல் உறுப்புகள் பலம் மிக்கதாக இருக்கவும் பல்வேறு சத்துக்கள் தேவைப்படுகிறது. உணவுகள் மூலம் பல்வேறு சத்துக்கள் கிடைத்தாலும் வைட்டமின் டி சத்து என்பது உணவின் மூலமாக கிடைப்பதை விட சூரிய ஒளியில் இருந்து கிடைப்பது தான் மிகவும் சக்தி வாய்ந்தது. உண்மையில் வைட்டமின் டி குறைபாடு இருந்தால் பல உடல் நல குறைபாடுகளை உண்டாக்கும். எனவே வைட்டமின் டி சத்து குறைபாடு இருப்பவர்கள் காலை வெயிலில் ஒரு 15 நிமிடம் நடந்து வந்தால் போதும்.

வைட்டமின் டி யை தோல் தானாகவே உற்பத்தி செய்துக்கொள்வதால் உடலுக்கு தேவையான சத்துக்கள் கிடைத்துவிடும். உண்மையில் யோகாசனத்தில் சூரிய நமஸ்காரம் என்னும் உடற்பயிற்சியும் சூரியனை மையமாகவே கொண்டு உருவாக்கப்பட்டுள்ளது. இந்த சூரிய நமஸ்காரம் காலை நேரத்தில் சூரியன் உதயத்தில் செய்யும் பொழுது உடல் உறுப்புகள் நன்றாக வேலை செய்யும் எனவே காலை வெயில்படும்படி 15 நிமிடம் நிற்பது நல்லது.

அதே போன்று குறைவான வைட்டமின் டி யின் காரணமாக கோடையை விட குளிர்காலத்தில் இதய நோய்கள் மற்றும் அது தொடர்பான பிரட்சனைகள் அதிகம் ஏற்பட வாய்ப்புகள் உண்டு என்று ஆய்வுகள் கண்டறிந்துள்ளது. எனவே காலை சூரிய ஒளியில் இருந்து கிடைக்கும் வைட்டமின் டி யின் மூலம் இதை தவிர்க்கலாம்.