A Journey Of Ten Thousand Miles : பத்தாயிரம் மைல் பயணம் புத்தக விமர்சனம்

குதிரைகளுடன் தொடர்புடையது : பாபர் முதன்முதலில் காண்டாமிருகத்தைப் பார்த்தபோது, ​​’அது குதிரை போல் தெரிகிறது’ என்றார். (அது எப்படி நமக்கு ஆச்சரியமாக இருக்கிறது) உண்மையில் காண்டாமிருகம் குதிரை குடும்பத்தைச் சேர்ந்தது. இந்த நுட்பமான அறிவினால் தான் 14 வயதில் அரசரானார் என்று கூறப்படுகிறது. அடுத்த மாவீரன் அலெக்சாண்டர் வந்தார். சிறுவனாக இருந்தபோது, யூசபேலஸ் என்ற அடக்க இயலாத முரட்டுக் குதிரை தன் நிழலை பார்த்தே பயப்படும் அதன் பலவீனத்தை அறிந்து அதன் முகத்தைத் திருப்பி சவாரி செய்து வெற்றிக் கொண்டார். முப்பது வயது கொண்ட அந்த குதிரை இந்திய மன்னன் போரஸோடு போர் செய்யும்போது இறந்தது. அதனை ராணுவ மரியாதையுடன் அதை அடக்கம் செய்தார். நம் நாட்டு ராணா பிரதாப் சிங் அக்பருடன் போரிட்டபோது, ​​குட்டி யானையின் கவசத்தை, தன் பிரியமான குதிரையான ‘சேத்தக்’ முகத்தில் போட்டு எதிரிகளை குழப்பினார். போரில் பலத்த காயம் அடைந்த அவரைக் காப்பாற்றி நீண்ட கால்வாயின் குறுக்கே அழைத்துச் சென்று பாதுகாப்பான இடத்திற்கு கொண்டு வந்தார். கடமையை நிறைவேற்றும் போதே உயிர் இழந்தார். இன்றும், அதன் கல்லறை ராஜஸ்தான் மாநிலத்தில் ‘ராஜஸ்மண்ட்’ என்ற இடத்தில் அமைந்துள்ளது என்று குறிப்பிட்டுள்ளார்.

இது வரலாறு தொடர்பானது. ஐந்து பில்லியன் ஆண்டுகளுக்கு முன்பு, நாய் சைசில் பூமியில் திரிந்த விலங்குகளுக்கு முன்னங்காலில் நான்கு குளம்புகளையும், பின்னங்காளில் மூன்று குளம்புகளையும் கொண்டிருந்தன. பின்னர், அவை படிப்படியாக மாறி குதிரை வடிவம் பெற்றன. இது குதிரைகளைப் படிக்கும் அறிவியல் முறை. இன்னும் புராணங்கள், வேதங்கள், இதிகாசங்கள் மற்றும் மூடநம்பிக்கைகளில் குதிரைகள் தொடர்பான அனைத்து தகவல்களையும் தொகுத்து அளித்துள்ளார். ஆசிரியர் வெ.இறையன்பு எழுதிய இந்த பத்தாயிரம் மைல் பயணம் புத்தகத்தை (A Journey Of Ten Thousand Miles) படிக்க நீண்ட நாட்கள் ஆகலாம். பிராயணத்துடன் இந்த நூலை எடுத்துச்சென்றால் நிச்சயமாக அந்தந்த ஊரைப்பற்றிய மேலதிக தகவல்களுடன் பயணத்தை இனிமையாக்கும் என்பதில் ஐயமில்லை.