Adam's CAN Movie First Look : ஆடம்ஸ் இயக்கும் 'கேன்' படத்தின் ஃபர்ஸ்ட் லுக் வெளியீடு

சன் மியூசிக் தொகுப்பாளர் ஆடம்ஸ் ‘கேன்’ படத்தின் மூலம் இயக்குநராக அறிமுகமாகியுள்ளார். இப்படத்தின் ஃபர்ஸ்ட் லுக் போஸ்டர் (Adam’s CAN Movie First Look) வெளியாகியுள்ளது. சின்னத்திரையில் இருந்து வெள்ளித்திரைக்கு பயணித்தவர்கள் ஏராளம். அந்த வகையில் ஆடம்ஸ் சன் மியூசிக் தொலைக்காட்சியில் தொகுப்பாளராக அறிமுகமானார். கோவில்பட்டியில் பிறந்து வளர்ந்த ஆடம்ஸ், நடிப்பின் மீது தீராத காதலுடன் ஊடகங்களில் நுழைந்தார்.

ஆடம்ஸ் தனது தனித்துவமான பேச்சு மற்றும் ஸ்டைலான அணுகுமுறைக்காக அறியப்பட்டவர். அவர் தொகுத்து வழங்கிய நிகழ்ச்சிகள் மூலம் ஏராளமான ரசிகர்களுடன் தொடர்புகொண்டு மக்கள் மத்தியில் பிரபலமானார். அதன் மூலம் சீரியலில் நடிக்கும் வாய்ப்பு ஆடம்ஸுக்கு கிடைத்தது. தென்றல் சீரியலில் பிரபாகரன் என்ற கதாபாத்திரம் அவருக்கு மிகவும் பொருத்தமாக இருந்தது. மிரட்டல் உள்ளிட்ட ஒரு சில படங்களில் சிறு வேடங்களிலும் நடித்துள்ளார்.