Aranmanai 4 Box Office Collection : 100 கோடி வசூலை கடந்த சுந்தர்.சி-யின் 'அரண்மனை 4'

அரண்மனை மூன்றாம் பாகம் எதிர்பார்த்த அளவுக்கு வெற்றி பெறவில்லை, ஆனால் பேய் படங்களில் அதிக நம்பிக்கை கொண்ட சுந்தர் சி அரண்மனை நான்காம் பாகத்தை இயக்கி அதை வெளியிட்டார். இப்படத்தில் சுந்தர் சி, தமன்னா, ராஷி கண்ணா, யோகி பாபு, கோவை சரளா, சிங்கம்புலி, விடிவி கணேஷ், டெல்லி கணேஷ், ஜேபி, விச்சு, கேஜிஎஃப் ராம், சேசு, சந்தோஷ் பிரதாப், மொட்டை ராஜேந்திரன் மற்றும் பலர் நடித்துள்ளனர். ஹிப்ஹாப் ஆதி இசையமைத்த இப்படம் கடந்த 3 ஆம் தேதி வெளியாகி வெற்றி பெற்றது.

குடும்பத்தை எதிர்த்து திருமணம் செய்து கொண்ட தமன்னா, தனது கணவர் மற்றும் குழந்தையுடன் மகிழ்ச்சியாக வாழ்கிறார். இதற்கிடையில், அவரது கணவர் மர்மமான முறையில் இறந்துவிட, தமன்னா தற்கொலை செய்து கொண்டார். இந்த தகவலை அறிந்த சுந்தர் சி-க்கு தனது சகோதரியின் அரண்மனைக்கு வந்து தனது சகோதரி மற்றும் அவரது கணவரின் மரணத்தில் மர்மம் இருப்பதாக சந்தேகிக்கிறார். மேலும், தனது தங்கையின் மகளை தீய சக்தி ஒன்று பழிவாங்குவதை அறிந்த சுந்தர் சி, அந்த தீய சக்தியிடம் இருந்து குழந்தையை எப்படி காப்பாற்றுகிறார் என்பதுதான் படத்தின் கதை. முந்தைய படத்தைப் போல் இல்லாமல் இந்தப் படம் சற்று வித்தியாசமாக இருப்பதாலும் விடுமுறை என்பதாலும்  தியேட்டரில் கூட்டம் அலைமோதியது.