Ashok Selvan Marriage : நடிகை கீர்த்தி பாண்டியனை மணந்தார் நடிகர் அசோக் செல்வன்

நடிகர் அசோக் செல்வனுக்கும், நடிகர் அருண்பாண்டியனின் இளைய மகள் கீர்த்தி பாண்டியனுக்கும் இன்று திருநெல்வேலியில் பிரம்மாண்டமாக திருமணம் (Ashok Selvan Marriage) நடைபெற்றது. இந்நிலையில் இவர்களது திருமண புகைப்படம் சமூக வலைதளங்களில் வைரலாகி வருகிறது. அசோக் செல்வனும், கீர்த்தி பாண்டியனும் ‘ப்ளூ ஸ்டார்’ படத்தில் நடித்துக் கொண்டிருந்தபோது, ​​இவர்களின் அறிமுகம் காதலாக மலர்ந்தது. அதன்பின்னர் இருவரும் கடந்த ஒரு வருடமாக காதலித்து வந்ததாகவும், சமீபத்தில் இருவரும் தங்களது நெருங்கிய நண்பர்கள் மற்றும் குடும்பத்தினர் முன்னிலையில் நிச்சயதார்த்தம் செய்து கொண்டதாகவும் கூறப்படுகிறது. நடிகர் அசோக் செல்வன் தனது திருமண புகைப்படங்களை பகிர்ந்து கொண்டு, “செம்புலப் பெயல் நீர் போல அன்புடை நெஞ்சம் தாம் கலந்தனவே” என்று பதிவிட்டுள்ளார்.

நடிகர் அசோக் செல்வனுக்கும் நடிகை கீர்த்தி பாண்டியனுக்கும் திருநெல்வேலியில் உள்ள சேது அம்மாள் பண்ணையில் திருமணம் (Ashok Selvan Marriage) நடந்து முடிந்துள்ளது. இன்று காலை 6 மணி முதல் 7 மணி வரை திருமணம் நடைபெற்ற நிலையில், காலை 8 மணி முதல் பெரிய விருந்து நடக்கிறது. அசோக் செல்வன் மற்றும் கீர்த்தி பாண்டியன் இருவரும் செப்டம்பர் 17 ஆம் தேதி சென்னையில் தங்கள் திரையுலக நண்பர்களுக்காக வரவேற்பு நிகழ்ச்சியை நடத்தவுள்ளதாக தகவல்கள் தெரிவித்துள்ளனர். நடிகையும், நடிகர் அருண்பாண்டியனின் உறவினரான ரம்யா பாண்டியன் திருமண விழாவில் கலந்து கொண்டு தனது வாழ்த்துகளை பதிவிட்டுள்ளார். மேலும் ரசிகர்கள், திரைத்துறை பிரபலங்கள் என பலரும் வாழ்த்து தெரிவித்து வருகின்றனர்.