Asia Cup 2025 India Vs PAK : ஆசிய கோப்பை தொடரில் இன்று இந்​தியா - பாகிஸ்தான் பலப்பரீட்சை

ஆசிய கோப்பை கிரிக்கெட் போட்டியின் இன்றைய லீக் ஆட்டத்தில் இந்​தியா – பாகிஸ்தான் அணிகள் பலப்பரீட்சை (Asia Cup 2025 India Vs PAK) நடத்தவுள்ளன. ஆசிய கோப்பை டி20 கிரிக்கெட் தொடர் துபாய் மற்றும் அபுதாபி நகரங்களில் நடைபெற்று வருகிறது. இதில் ‘A’ பிரிவில் நடப்பு சாம்பியனான இந்தியா, பாகிஸ்தான், ஓமன், ஐக்கிய அரபு அமீரகம் ஆகிய 4 அணிகளும், ‘B’ பிரிவில் இலங்கை, ஆப்கானிஸ்தான்,வங்கதேசம், ஹாங்காங் அணிகளும் இடம் பெற்றுள்ளன. லீக் ஆட்டத்தில் ஒவ்வொரு அணியும் தங்களுக்குள் தலா 1 முறை மோத வேண்டும். லீக் சுற்றின் முடிவில், இரண்டு பிரிவிலும் முதல் 2 இடங்களை பிடிக்கும் அணிகள் சூப்பர் 4 சுற்றுக்கு தகுதி பெறும். சூப்பர் 4 சுற்றின் முடிவில் முதல் இரண்டு இடங்களை பிடிக்கும் 2 அணிகள் இறுதிப்போட்டிக்கு தேர்வாகும். இதில் செப்டம்பர் 10-ம் தேதி முதல் லீக் ஆட்டத்தில் இந்திய அணி, ஐக்கிய அரபு அமீரக அணியை எளிதில் வீழ்த்தியது. அதைப்போலவே பாகிஸ்தான் அணியும் முதல் ஆட்டத்தில் ஓமன் அணியை வென்றுள்ளது. மேலும் பஹல்காம் தாக்குதலுக்கு தக்க பதிலடி கொடுத்த இந்தியாவிற்கு இன்று நடைபெறும் போட்டியின் மூலம் பதிலடி கொடுக்க வேண்டும் என பாகிஸ்தான் ரசிகர்கள் எதிர்பார்க்கின்றனர். அதே சமயத்தில் பஹல்காம் தாக்குதலை கண்டித்து பாகிஸ்தானுக்கு எதிரான போட்டியை இந்தியா தவிர்த்து இருக்க வேண்டும் என இந்திய ரசிகர்கள் வலியுறுத்தி வருகின்றனர்.