Asia Cup 2025 India Vs UAE : ஆசிய கோப்பை தொடரில் இன்று இந்​தியா - ஐக்​கிய அரபு அமீரக அணி​கள் மோதுகின்​றன

இந்திய அணியில் துணைக் கேப்டன் சுப்மன் கில் மீண்டும் திரும்பியிருப்பது, பேட்டிங் வரிசையில் முக்கிய மாற்றங்களை ஏற்படுத்தியுள்ளது. மேலும் இந்த போட்டியில் இளம் அதிரடி வீரர் அபிஷேக் சர்மாவுடன், சுப்மன் கில் தொடக்க ஆட்டக்காரராக களமிறங்குவார் என எதிர்பார்க்கப்படுகிறது. அதே சமயத்தில், விக்கெட் கீப்பருக்கான போட்டியில் சஞ்சு சாம்சனுக்கு பதிலாக, ஜிதேஷ் சர்மா புதிய விக்கெட் கீப்பராக உருவெடுத்துள்ளார். மேலும் இந்திய அணியின் வியூகத்தை பொறுத்து, ஜிதேஷ் சர்மா 6வது அல்லது 7வது வரிசையில் களமிறக்கப்படலாம் என தெரிகிறது. அதே நேரத்தில் மிடில் ஆர்டரில் திலக் வர்மா, கேப்டன் சூர்யகுமார் யாதவ் மற்றும் ஆல்-ரவுண்டரான ஹர்திக் பாண்டியா மற்றும் 8வது இடத்தில அக்சர் படேல் ஆகியோர் களம் இறங்க வாய்ப்பு உள்ளது. மேலும் ஃபினிஷர் ரோலில் ரிங்கு சிங் இறங்கினால் அணியின் பேட்டிங் வரிசை மேலும் வலுப்படும்.

இந்திய அணியின் பந்துவீச்சுப் பொறுத்தவரை, வேகப்பந்து வீச்சாளர் ஜஸ்பிரித் பும்ரா மற்றும் சுழற்பந்து வீச்சாளர் வருண் சக்கரவர்த்தி ஆகியோர் இடம் உறுதியாகிவிட்டது. இடது கை வேகப்பந்து வீச்சாளர் (Asia Cup 2025 India Vs UAE) அர்ஷ்தீப் சிங் மற்றும் குல்தீப் யாதவ் இருவருக்கும் இடையே கடும் போட்டி நிலவுகிறது. அதே நேரத்தில் துபாய் ஆடுகளங்கள் எப்போதும் சுழற்பந்து வீச்சுக்கு சாதகமாக இருக்கும் என்பதால், குல்தீப் யாதவுக்கு வாய்ப்பு வழங்கப்படலாம் என எதிர்பார்க்கப்படுகிறது.