May Day History : மே தினம் உருவானது எப்படி? தோற்றம், முக்கியத்துவம் மற்றும் கொண்டாட்டம்!
Best Foods for Liver Health : கல்லீரல் ஆரோக்கியத்தை மேம்படுத்தும் சிறந்த 10 உணவுகள்.!
SSC Jobs 2026 : எஸ்.எஸ்.சி குரூப் டி மற்றும் குரூப் சி பிரிவில் 731 பணியிடங்கள்.. உடனே விண்ணப்பிங்க!

Asia Cup Super 4 : ஆசிய கோப்பை சூப்பர் 4 சுற்று: இந்தியா - பாகிஸ்தான் அணிகள் இன்று பலப்பரீட்சை

ஆசிய கோப்பை டி20 கிரிக்கெட் போட்டி துபாய் மற்றும் ஐக்கிய அரபு அமீரகத்தில் நடைபெற்று வருகிறது. இந்த தொடர் தற்போது சூப்பர் 4 கட்டத்தை எட்டியுள்ளது. இதில் சூப்பர் 4 சுற்றின் இன்று இரவு 8 மணிக்கு துபாயில் நடக்கும் 2வது லீக் ஆட்டத்தில் இந்தியா – பாகிஸ்தான் (Asia Cup Super 4) அணிகள் பலப்பரீட்சை நடத்துகின்றன.

இந்திய அணி 'A' பிரிவில் முதலிடம்

சூர்யகுமார் யாதவ் தலைமையிலான இந்திய அணி ஆசிய கோப்பை லீக் சுற்றில் 3 போட்டியிலும் வெற்றி பெற்று ‘A’ பிரிவில் முதலிடம் பிடித்தது. முதல் ஆட்டத்தில் 9 விக்கெட் வித்தியாசத்தில் ஐக்கிய அரபு அமீரகத்தையும், 2வது ஆட்டத்தில் 7 விக்கெட் வித்தியாசத்தில் பாகிஸ்தானையும், 3வது ஆட்டத்தில் 21 ரன்கள் வித்தியாசத்தில் ஓமன் அணியையும் இந்திய அணி வீழ்த்தியிருந்தது. அதே சமயத்தில் சல்மான் அலி ஆகா தலைமையிலான பாகிஸ்தான் அணி லீக் சுற்றின் முடிவில் 2 வெற்றி, ஒரு தோல்வியுடன் 2வது இடம் பிடித்தது.

இந்திய வீரர்கள் கைகுலுக்கவில்லை (Asia Cup Super 4)

ஆசிய கோப்பை லீக் சுற்றின் டாஸ் போடும் போதும், போட்டி நிறைவடைந்த பின்னரும் பாகிஸ்தான் வீரர்களுடன் இந்திய வீரர்கள் கைகுலுக்கவில்லை. இந்த நிலை சூப்பர் 4 சுற்றின் இன்றைய ஆட்டத்திலும் தொடரக்கூடும் என எதிர்பார்க்கப்படுகிறது. மேலும் ஓமன் அணிக்கு எதிரான போட்டியில் ஓய்வில் இருந்த ஜஸ்பிரீத் பும்ரா, வருண் சக்ரவர்த்தி மீண்டும் அணியில் களமிறங்க உள்ளதால் பந்து வீச்சு வலுவடையும். லீக் சுற்றின் பீல்டிங்கின் போது அக்சர் படேல் தலை பகுதியில் காயம் அடைந்திருந்தார். எனினும் அவர் நலமுடன் இருப்பதாக அணியின் பயிற்சியாளர் தெரிவித்துள்ளார். பேட்டிங்கில் ஓமன் அணிக்கு எதிரான ஆட்டத்தில் அரை சதம் விளாசிய சஞ்சு சாம்சனிடம் இருந்து மேலும் ஒரு சிறந்த ஆட்டம் வெளிப்படும் என எதிர்ப்பார்க்கப்டுகிறது. இந்திய அணியின் மிடில் ஆர்டர் வரிசையில் (Asia Cup Super 4) சூர்யகுமார், திலக் வர்மா, ஷிவம் துபே, ஹர்திக் பாண்டியா ஆகியோர் பலம் சேர்க்கக்கூடியவர்களாக திகழ்கின்றனர்.

சர்வதேச கிரிக்கெட் போட்டிகளில் ஒருகாலத்தில் வீழ்த்த முடியாத அணியாக திகழ்ந்த பாகிஸ்தான் தற்போது திறன் குறைந்து காணப்படுகிறது. பாகிஸ்தான் அணியின் பேட்டிங்கில் பஹர் ஸமான் மட்டுமே நம்பிக்கை அளிக்கக்கூடிய வீரராக உள்ளார். தொடக்க வீரரான சைம் அயூப் இரு ஆட்டங்களில் டக் அவுட் ஆகி உள்ளார். எனினும் பந்து வீச்சில் அவர், கைகொடுத்து வருகிறார்.

உத்தேச பிளேயிங் லெவன்

இந்தியா : சூர்யகுமார் யாதவ் (கே), திலக் வர்மா, அபிஷேக் சர்மா, சஞ்சு சாம்சன் (விக்கெட் கீப்பர்), ஷுப்மன் கில், திலக் வர்மா, அக்சர் படேல், ஷிவம் துபே, ஹர்திக் பாண்டியா, குல்தீப் யாதவ், ஜஸ்பிரித் பும்ரா, வருண் சக்கரவர்த்தி.

பாகிஸ்தான் : அலி ஆகா (கே), சைம் அயூப், சாஹிப்சாதா ஃபர்ஹான், சைம் அயூப், முகமது ஹாரிஸ் (விக்கெட் கீப்பர்), ஃபகார் ஜமான், ஹசன் நவாஸ், ஷாஹீன் ஷா அப்ரிடி, சல்மான், முகமது நவாஸ், ஃபஹீம் அஷ்ரஃப்,சுபியான் முகீம், அப்ரார் அகமது.