Asteroids In Space Could Produce Food : விண்வெளியில் உள்ள சிறுகோள்களில் உணவு உற்பத்தி செய்யலாம் ஆராய்ச்சியாளர்கள் கண்டுபிடிப்பு

விண்வெளியில் இருக்கும் விண்வெளி வீரர் ஒரு நாளைக்கு அவரின் உடல் எடை மற்றும் ஆற்றல் நிலைகளை பராமரிக்க சுமார் 1.2 கிலோகிராம் அளவுள்ள உணவை உட்கொள்ள வேண்டும். மேலும் பூமியில் இருப்பவர்களை விட விண்வெளியில் உள்ள வீரர்களுக்கு பல்வேறு வகையான ஊட்டச்சத்துக்கள் அதிகமாக தேவைப்படுகிறது. இதற்கு காரணம் விண்வெளி நிலையத்தில் சத்தம், அதிர்வு, வெப்பநிலை மாற்றங்கள், எடையின்மை, காஸ்மிக் கதிர்வீச்சு உள்ளிட்ட தனித்துவமான அழுத்தங்களை எதிர்கொள்கின்றனர். இதனால்தான் அவர்களுக்கு ஊட்டச்சத்து மிக்க உணவுகள் அவசியமாகிறது. இத்தனை ஊட்டச்சத்து மிக்க உணவுகள் அனைத்தும் விண்வெளி வீரர்களுக்கு பூமியிலிருந்து எடுத்து செல்லப்படுகிறது. இதை தவிர்க்கும் பொருட்டு விஞ்ஞானிகள் பல்வேறு ஆராய்ச்சிகளில் ஈடுபட்டு வந்தனர். 

சர்வதேச விண்வெளி மையத்தில் விவசாயம் செய்வது என்பது ஒருவகையில் சாத்தியம் என்றாலும் இது சிக்கலானது மற்றும் இடப்பற்றாகுறையை ஏற்படுத்தும். வரும் காலங்களில் சூரிய மண்டலத்தின் வெளிப்புறப் பகுதிக்கு அப்பாலிருக்கும் பயணங்களுக்கு தேவையான உணவை (Asteroids In Space Could Produce Food)  “பென்னு” என்ற சிறுகோளிலிருந்து பெறமுடியும் என்கிறார்கள் ஆராய்ச்சியாளர்கள்.