Avatar Fire and Ash : பாக்ஸ் ஆபீஸை அடித்து நொறுக்கும் ''அவதார் 3'' பட உலகளாவிய வசூல்.. எவ்வளவு தெரியுமா?

புதிய பழங்குடியினர், ஆபத்தான கூட்டணிகள் மற்றும் அதிர்ச்சியூட்டும் புதிய நிலப்பரப்புகளுடன் இந்தப் படம் தொடங்குகிறது. மக்களையும் மற்றும் காட்டையும் தீயவர்களிடமிருந்து பாதுகாக்க வேண்டும் என்பதே இந்த திரைப்படத்தின் மையக் கருத்து. இந்தத் திரைப்படத்தின் திரைக்கதையை நெருப்பை மையப்படுத்தி எழுதப்பட்டுள்ளது. அவதார் முதல் பாகத்தில் ஜேக் சல்லி பண்டோரா உலகத்தில் நவி இன மனிதனாக மாறி அந்த இனத்தின் நலனுக்காக நிற்கத் தொடங்குவதாக முடிகிறது. அவதார் இரண்டாம் பாகம் மனைவி நய்த்ரி மற்றும் தன் குழந்தைகளுடன் வாழும் ஜேக் சல்லி தன்னை தாக்க வரும் பூமியைச் சேர்ந்த மனிதர்களையும், கர்னல் மைல்ஸின் நினைவுகளோடு வரும் நவி இன அவதாரையும் வென்று பண்டோராவைக் காப்பதாக முடிகிறது. இந்த மூன்றாம் அவதார் பாகத்தில், சல்லியுடன் வளரும் தன் மகன் ஸ்பைடரை அழைத்துச் செல்லவும் மற்றும் சல்லியைக் கொன்று மொத்த பண்டோரா உலகைக் கைப்பற்றவும் கர்னல் மைல்ஸின் நினைவுகளோடு ஒரு அவதார் வருகிறது.

மனிதர்களுக்கும் மற்றும் ஜேக் சல்லி கூட்டத்துக்கும் இடையிலே தொடரும் யுத்தத்தில், பண்டோராவின் வராங் இனத்தைச் சேர்ந்த தீய நாவிகளும் (சாம்பல் மக்கள்) இணைகின்றனர். பண்டோராவில் இருக்கும் அனைத்து நாவிகளும் நல்லவர்கள் அல்ல என்றும் மற்றும் அவர்களுக்குள்ளும் வன்முறை, பொறாமை எல்லாம் இருக்கிறது என்றும் இந்த திரைப்படத்தில் காண்பிக்கப்படுகிறது.