Ayodhya Ram Temple Gifts : அயோத்தி ராமர் கோவிலுக்கு அளிக்கப்பட்ட பரிசுகள்

108 அடி நீளமுள்ள ஊதுபத்தி : 108 அடி நீளமுள்ள 3,610 கிலோ எடையும் 3.5 அடி அகலமும் கொண்ட இந்த ஊதுபத்தி குஜராத்தின் வதோதராவில் இருந்து வழங்கப்பட்டது. 5 லட்சம் ரூபாய் மதிப்பீட்டில் தயாரிக்கப்பட்டுள்ளது. இதை தயாரிக்க ஆறு மாதங்களுக்கு மேலாகியுள்ளதாக தெரிவிக்கப்படுகின்றது. மேலும் இது  ஒன்றரை மாதம் வரை நீடிக்கும் என்றும், அதன் வாசனை பல கிலோமீட்டர் வரை பரவும் என்று இதனை தயாரித்தவர் கூறியுள்ளார். இது 376 கிலோ குக்குல் (கம் பிசின்), 376 கிலோ தேங்காய் மட்டைகள், 190 கிலோ நெய், 1,470 கிலோ மாட்டு சாணம் மற்றும் 420 கிலோ மூலிகைகள் ஆகியவற்றைக் கொண்டு தயாரிக்கப்படுகிறது.

நெக்லஸ் : சூரத்தை சேர்ந்த வைர வியாபாரி ஒருவர் இரண்டு கிலோ வெள்ளியைப் பயன்படுத்தி 5,000 அமெரிக்க வைரங்களைக் கொண்ட நெக்லஸை ராமர் கோயிலின் கருப்பொருளில் உருவாக்கியுள்ளார். 35 நாட்களில் 40 கைவினை களைஞர்களால் இந்த டிசைன் உருவாக்கப்பட்டுள்ளது. இந்த நெக்லஸ் ராமர் கோவில் அறக்கட்டளைக்கு பரிசாக வழங்கப்பட்டுள்ளது.

1,265 கிலோ எடையுள்ள லட்டு : ஹைதராபாத்தை சேர்ந்த ஒருவர் 1,265 கிலோ லட்டுகளை தயார் செய்து ராமர் கோயில் அறக்கட்டளைக்கு வழங்கினார்.

ஸ்ரீராமர் கோயிலை சித்தரிக்கும் பட்டு பெட்ஷீட் : விஷ்வ ஹிந்து பரிஷத் தலைவர் அலோக் குமார், ஸ்ரீராமர் கோவிலின் யஜ்மன் அனில் மிஸ்ராவிடம், தமிழ்நாட்டைச் சேர்ந்த பட்டு உற்பத்தியாளர் தயாரித்த ஸ்ரீராமர் கோவிலை சித்தரிக்கும் பெட்ஷீட்டை வழங்கினார்.

கொடி கம்பம் : குஜராத் முதல்வர் பூபேந்திர படேல் அகமதாபாத்தில் நடந்த ‘பிரான் பிரதிஷ்டா’ விழாவிற்கு 5,500 கிலோ எடையுள்ள 44 அடி நீள பித்தளை கொடி கம்பம் மற்றும் 6 சிறிய கம்பங்களை வழங்கினார்.

400 கிலோ எடையுள்ள பூட்டு : உத்தரபிரதேச மாநிலம் அலிகாரை சேர்ந்த பூட்டு தொழிலாளி சத்ய பிரகாஷ் சர்மா என்பவர் 10 அடி உயரம், 4.6 அடி அகலம் மற்றும் 9.5 அங்குல தடிமன் கொண்ட 400 கிலோ எடை கொண்ட பூட்டு மற்றும் சாவியை வடிவமைத்துள்ளார். இதை அயோத்தி ராமர் கோவில் அறக்கட்டளைக்கு நன்கொடையாக அளித்துள்ளார்.

2100 கிலோ எடை கொண்ட மணி : உத்தரபிரதேசத்தின் எட்டாவில் உள்ள ஜலேசரிலிருந்து 2100 கிலோ எடையுள்ள அஷ்டதாது மணி (8 உலோகங்களால் ஆன மணி) கோயில் வளாகத்தில் நிறுவப்பட்ட மிகப்பெரிய மணியாகும். இந்த கம்பீரமான மணியின் விலை ரூ.25 லட்சம் கட்டுமான செலவு, ஆறு அடி உயரம் மற்றும் ஐந்து அடி அகலத்தில் உள்ளது. நான்கு ஆண்டுகளாக தயாரிக்கப்பட்ட மணியின் அதிர்வு வெகு தொலைவில் எதிரொலிக்கும் என்று (Ayodhya Ram Temple Gifts) எதிர்பார்க்கப்படுகிறது.

1100 எடை கொண்ட விளக்கு : வதோதராவைச் சேர்ந்த அரவிந்த்பாய் மங்கல்பாய் படேல் என்ற விவசாயி 1,100 கிலோ எடையுள்ள பஞ்சலோக (தங்கம், வெள்ளி, தாமிரம், துத்தநாகம் மற்றும் இரும்பு) விளக்கை வழங்கினார். சுமார் 851 கிலோ நெய்யின் அளவு கொண்ட விளக்கை வழங்கியுள்ளார்.

தங்க மூலம் பூசப்பட்ட பாத அணிகள் : கரசேவகரின் மகன் ஹைதராபாத்தில் இருந்து அயோத்திக்கு நடந்து சென்று ராமருக்கு தங்க முலாம் பூசப்பட்ட பாத அணிகளை வழங்கினார். சுமார் 8,000 கி.மீ. தூரம் நடந்து இந்த கால் அணிகளை வழங்கினார்.