Benefits Of Walking : "தினமும் 4,000 (Steps) நடந்தால், மரணத்தை தள்ளி போடலாம்"

Benefits Of Walking : நாம் தினமும் 4,000 அடிகள் நடந்தால் மரணம் முதல் இதய நோய் பாதிப்புகள் வரை தள்ளி போடலாமென போலந்து மருத்துவ பல்கலைக்கழகம் சமீபத்தில் நடத்திய ஆய்வு முடிவுகளில் கூறப்பட்டுள்ளது. போலந்து நாட்டில் உள்ள “லாட்ஸ் மருத்துவ பல்கலைக்கழகம்” (Lodz Medical University) சுமார் 2 லட்சத்து 27 ஆயிரம் பேரின் தரவுகளை வைத்து ஆய்வு ஒன்று நடத்தியது. அந்த ஆய்வு முடிவுகளில் கூறப்பட்டுள்ளதாவது.

அதிக தூரம் நடைப்பயிற்சி மேற்கொள்வோருக்கு ஏராளமான நன்மைகள் கிடைக்கிறது. ஒருவர் இவ்வளவு தூரம் தான் நடக்க வேண்டும் என உச்சபட்ச அளவீடுகள் என்று எதுவும் இல்லை. இருப்பினும், இது உங்கள் உடல் நலம், திறன் மற்றும் ஆரோக்கியத்தை பொறுத்தது.

இதய நோயின் பாதிப்பில் இருந்து நம்மை பாதுகாக்க, தினமும் 2,337 அடிகள் நடப்பது அதாவது 25 நிமிடங்கள் தொடர்ந்து நடைப்பயிற்சி மேற்கொள்வது மிகவும் அவசியமானதாகும் (Benefits Of Walking) என்று மருத்துவ ஆய்வு முடிவுகளில் தெரிவிக்கப்பட்டுள்ளது. மிகவும் முக்கியமானது இளம் வயதில் ஏற்படும் மரணத்தை தடுக்க, தினமும் 3,967 அடிகள் நடப்பது, அதாவது 40 நிமிடங்கள் தொடர்ந்து நடைப்பயிற்சி செய்வது அவசியம். நாம் நடக்கும் ஒவ்வொரு 1,000 அடிகள் அதிகரிப்பிற்கும் 15 சதவீதம் அளவுக்கு அபாயம் குறைகிறது.

60 வயதிற்கு மேற்பட்டோர் எனில், தினமும் 6,000 முதல் 10,000 அடிகள் வரை நடப்பவருக்கு, அதே வயதுடைய நடைப்பயிற்சி மேற்கொள்ளாதவர்களோடு ஒப்பிடும்போது 42 சதவீதம் அபாயம் குறைவாக இருக்கும். இது ஆண், பெண் என இருபாலினத்துக்கும் பொருந்தும் என இவ்வாறு அதில் கூறப்பட்டுள்ளது.