Bison First Look : பைசன் படத்தின் ஃபர்ஸ்ட் லுக் போஸ்டர் ரிலீஸ்

தொடர்ந்து ஹாட்ரிக் ஹிட் கொடுத்த மாரி செல்வராஜ் தற்போது இரண்டு படங்களை இயக்கி வருகிறார். அதில் ஒன்று வாழை திரைப்படம். இப்படத்தில் திவ்யா துரைசாமி நாயகியாக நடிக்கிறார். இப்படத்தின் படப்பிடிப்பு முடிந்து ரிலீசுக்கு தயாராகி வருகிறது. இதையடுத்து மாரி செல்வராஜ் இயக்கும் புதிய படத்தில் நடிகர் விக்ரமின் மகன் துருவ் கதாநாயகனாக நடிக்கிறார்.

கபடி வீரரின் வாழ்க்கையை மையமாக வைத்து உருவாகும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இந்நிலையில் படத்தின் டைட்டில் மற்றும் ஃபர்ஸ்ட் லுக் (Bison First Look) வெளியாகியுள்ளது. அதன்படி படத்திற்கு “பைசன் காளமாடன்” என டைட்டில் வைக்கப்பட்டுள்ளதாக அறிவிக்கப்பட்டுள்ளது. இந்த படத்தை இயக்குனர் பா.ரஞ்சித் தனது நீலம் புரொடக்ஷன்ஸ் மூலம் தயாரிக்கிறார். இப்படத்திற்கு நிவாஸ் கே.பிரசன்னா இசையமைக்கிறார். பைசன் என்றால் காட்டெருமை. இது தொடர்பாக போஸ்டரை (Bison First Look) வெளியிட்டுள்ள மாரி செல்வராஜ், அதில் “கால்நடையாய் நடந்து வாரான் காளமாடன்” என பதிவிட்டுள்ளார். இந்தப் படத்தில் அனுபமா பரமேஸ்வரன், ரஜிஷா விஜயன், கலையரசன் என பலரும் நடிக்கின்றனர்.