Black Day : பிப்ரவரி 14 புல்வாமா தாக்குதலின் 5 ஆம் ஆண்டு நினைவு தினம்

ஜம்மு காஷ்மீர் மாநிலம் புல்வாமா மாவட்டம் அவந்திபோராவில் 40 சிஆர்பிஎஃப் வீரர்கள் கொல்லப்பட்ட புல்வாமா தாக்குதல் நடந்த (Black Day) நினைவு தினம். இன்று உலகம் முழுவதும் காதலர் தினம் கொண்டாடப்பட்டாலும், 5 ஆண்டுகளுக்கு முன்பு இந்த நாள் இந்தியாவுக்கு கருப்பு தினமாக மாறியது. ஜம்முவில் இருந்து சிஆர்பிஎப் வீரர்கள் ஸ்ரீநகருக்கு கான்வாய் மூலம் சென்று கொண்டிருந்தனர். வழக்கம் போல் இந்த நாளை என்றென்றும் எண்ணிக்கொண்டு சென்ற அந்த வீரர்களுக்கு அடுத்து என்ன நடக்கும் என்று யாருக்கும் தெரியவில்லை? இன்னும் சரியாக 30 கிமீ சென்றால் ஸ்ரீநகர் வந்துவிடும். அப்போது வேகமாக வந்த கார் ஒன்று கான்வாய் மீது மோதியது. அடுத்த கணம் பெரும் தீப்பரவல் ஏற்பட்டு, அடுத்த 10 கிலோமீட்டருக்கு வெடிச் சத்தம் கேட்டது. சுற்றியிருந்த அனைத்தையும் புகை மூடி மறைத்தது. புகை மறைத்ததும் அந்த காரோ, கார் மீது மோதிய கான்வாய் வாகனமோ சில்லு சில்லாய் சிதறி கிடந்தது. மேலும், அதைச் சுற்றி நமது இந்திய வீரர்களின் உடல்களும்.

புல்வாமா தாக்குதல் நடந்து ஐந்தாண்டுகள் நிறைவடைந்துள்ளன. ஆனால் அதன் தாக்கம் இன்று வரை ஒவ்வொரு இந்தியனின் இதயத்திலும் ஒரு அழியாத வடுவாகவே இருந்து வருகிறது. இந்த தாக்குதல் இந்தியாவை மட்டுமின்றி உலகையே உலுக்கியது. தியாகிகளின் கண்ணீருக்கு பதில் அளிக்கப்படும் என பிரதமர் மோடி நாட்டு மக்களுக்கு உறுதியளித்தார். இதையடுத்து, தாக்குதல் நடத்திய பயங்கரவாதிகளுக்கு எப்போது, ​​எப்படி பதிலடி கொடுக்க வேண்டும் என ராணுவத்துக்கு முழு சுதந்திரம் வழங்கியது மத்திய அரசு. சரியாக 12 நாட்களுக்குப் பிறகு, புல்வாமா தாக்குதலில் 40 இந்திய சிஆர்பிஎஃப் வீரர்களின் தியாகத்திற்கு இந்தியா பழிவாங்கியது. பாகிஸ்தானில் உள்ள பாலகோட்டில் இந்திய விமானப்படை விமானங்கள் வான்வழித் தாக்குதல் நடத்தி பாலக்கோட்டையை சுக்குநூறாக்கியது.