Boat Movie Review : போட் திரைப்படத்தின் திரை விமர்சனம்

சிக்கலான கதைக்களத்தில் சுவாரசியமான திரைக்கதையை உருவாக்கி வெற்றி பெற்றிருக்கிறார் சிம்புதேவன். யோகி பாபு, ஒரே ஒரு படகில் குமரனாக வந்து தனது அசத்தலான மற்றும் யதார்த்தமான நடிப்பால் நம்மைக் கவர்கிறார். யோகி பாபுவுக்குப் பிறகு எம்.எஸ்.பாஸ்கரின் நூலகர் கதாபாத்திரம் தான் படத்தில் முக்கியமான கதாபாத்திரம். நடுக்கடல், படகு என்ற ஒரே இடத்தில் சலிப்பின்றி கதைக்களத்தை நகர்த்துவதில் உரையாடலின் பங்கு மிக முக்கியமானது. 1943ல் நடந்தாலும் இன்று மக்கள் எதிர்கொள்ளும் பிரச்சனைகளை இவர்கள் பேசும் வசனங்கள் பேசுகின்றன.

படத்தின் முதல் பாதியில் வசனங்கள்தான் படத்தைத் தாங்கி நிற்கின்றன. இன்று நாம் எதிர்கொள்ளும் பிரச்சனைகள் மற்றும் இன்றும் மக்களிடையே நிலவும் சாதி மற்றும் மத வேறுபாடுகள் பற்றி பேசியுள்ளார். படத்தின் முதல் பாதி விறுவிறுப்பாக நகர்ந்த நிலையில், ​​இரண்டாம் பாதியில் உயிரைக் காப்பாற்ற யோகிபாபு என்ன நிபந்தனைகளை விதிக்கிறார்? அவருடைய நிபந்தனைக்கு மற்றவர்கள் சம்மதித்தார்களா? இறுதியில் அவர்களின் முடிவு என்ன? அதை இன்னும் சுவாரசியமாக்கி கதையை முடித்திருக்கிறார் சிம்புதேவன். மேலும் எம்.எஸ்.பாஸ்கர், மதுமிதா, கௌரி கிஷன், சாம்ஸ், லீலா மற்றும் சின்னி ஜெயந்தி என அனைவரும் தங்களுக்கான கதாபாத்திரத்தில் சிறப்பாக நடித்துள்ளனர். இசைமைப்பாளர் ஜிப்ரான் அற்புதமான பின்னணி இசையை கொடுத்துள்ளார். ஆக மொத்தத்தில் படம் மிக சிறப்பாக அமைந்துள்ளது.