Bone Glue For Fractures : முறிந்த எலும்புகளை 3 நிமிடத்தில் ஒட்ட வைக்கும் பசையை சீன விஞ்ஞானிகள் கண்டுபிடித்துள்ளனர்

இந்த சூழலில் இந்த உலோகத்திற்கு மாற்றாக எலும்புகளை ஒட்ட வைக்கும் பசையை சீனாவை சேர்ந்த விஞ்ஞானிகள் உருவாக்கியுள்ளதாக தகவல் வெளியாகி உள்ளது. கிழக்கு சீனாவின் ஜெஜியாங் மாகாணத்தை சேர்ந்த மருத்துவ குழுவினர் இதை உருவாக்கி உள்ளனர். கடலில் சிப்பிகள் நீருக்கடியில் சில இடங்களில் உறுதியாக ஒட்டிக்கொண்டிருக்கும் புகைப்படத்தை கவனித்த பிறகு இந்த எலும்பு பசையை உருவாக்கும் யோசனை தோன்றியதாக எலும்பியல் அறுவை சிகிச்சை மருத்துவ நிபுணர் லின் சியான்ஃபெங் அவர்கள் தெரிவித்துள்ளார்.

இந்த பசையை கொண்டு உடைந்த எலும்புகளை 3 நிமிடங்களில் ஒட்ட முடியும் எனவும், மேலும் எலும்புகள் முழுவதும் கூடிய பிறகு இந்த பசை தானாகவே கரைந்து விடும் எனவும் லின் சியான்ஃபெங் அவர் கூறியுள்ளார். மேலும் ‘போன் 02’ (Bone 02) என அறியப்படும் இந்த பசையின் செயல்பாடு மற்றும் பாதுகாப்பு தன்மை ஆய்வு கூடத்தில் சோதனை நடத்தியதன் மூலம் உறுதி செய்யப்பட்டுள்ளது. சுமார் 150 பேருக்கு இந்த பசையை கொண்டு மருத்துவர்கள் பரிசோதனை மேற்கொண்டுள்ளனர்.