Cabinet Approves Indias Bid CWG : 2030-ம் ஆண்டு காமன்வெல்த் போட்டி இந்தியாவில் நடத்த மத்திய அமைச்சரவை ஒப்புதல்

அதிநவீன பயிற்சி வசதிகளுடன் உலகத்தரம் வாய்ந்த விளையாட்டு மைதானமாக அகமதாபாத் நகரம் உள்ளது. மேலும் நரேந்திர மோடி மைதானத்தில் ஐசிசி உலகக் கோப்பையின் இறுதிப் போட்டி வெற்றிகரமாக நடத்தியதன் மூலம் அதன் சிறப்பு நிரூபிக்கப்பட்டுள்ளது. மேலும் இந்தியாவில் இந்த காமன்வெல்த் விளையாட்டுப் போட்டிகளை நடத்துவதன் மூலம் சுற்றுலாவை மேம்படுத்தலாம். இதுத்தவிர தகவல் ஒலிபரப்பு, போக்குவரத்து, தொலைத் தொடர்பு போன்ற துறைகளிலும் செயல்பாடுகள் அதிகரித்து அதன் மூலம் பலர் வேலை வாய்ப்புகளைப் பெறுவார்கள். மேலும் உலக அளவில் மதிப்புமிக்க இந்த காமன்வெல்த் விளையாட்டு போட்டியை நடத்துவது தேச ஒற்றுமை தொடர்பாக வலுவான உணர்வை வளர்க்கும் எனவும், புதிய தலைமுறை விளையாட்டு வீரர்கள் விளையாட்டை தொழில்முறைத் தேர்வாகத் தேர்ந்தெடுக்கவும், விளையாட்டுகளில் அதிக பங்கேற்பை ஊக்குவிக்கவும் உதவும் என தெரிவிக்கப்பட்டுள்ளது.