Cancer Cases Rise In Tamilnadu : தமிழகத்தில் புற்றுநோயாளிகளின் பாதிப்பு அதிகரிப்பு.. அதிர்ச்சியளிக்கும் ஆய்வு முடிவுகள்.!

தமிழ்நாட்டில் புற்றுநோயாளிகள் எண்ணிக்கை கடந்த ஐந்து ஆண்டுகளில் இல்லாத அளவிற்கு சுமார் 30 சதவீதம் (Cancer Cases Rise In Tamilnadu) அதிகரித்திருப்பதாக தமிழ்நாடு புற்றுநோய் பதிவுத் திட்டம் (Tamil Nadu Cancer Registry Project) தெரிவித்துள்ளது. தமிழகத்தில் கடந்த 5 ஆண்டுகளுக்கு முன் 78,687 ஆக இருந்த புற்றுநோயாளிகளின் எண்ணிக்கை தற்போது 1 லட்சத்துக்கும் மேல் அதிகரித்திருப்பதாக அரசிடம் உள்ள தரவுகள் கூறுகின்றன. 1954-ம் ஆண்டு நிறுவப்பட்ட அடையாறு புற்றுநோய் சிகிச்சை மையம் மற்றும் தமிழக சுகாதாரத் துறை இணைந்து நடத்திய ”தமிழக புற்றுநோய் பதிவேடு திட்டம்” மூலம் இந்த தரவுகள் சேகரிக்கப்பட்டுள்ளன.

புற்றுநோயாளிகள் அதிகரிப்புக்கு தமிழக சுகாதாரத் துறை பலகாரணங்கள் தெரிவித்துள்ளது. நோயறிதல் முறைகள் மேம்பட்டிருப்பதும், நோய்குறித்த விழிப்புணர்வு அதிகரித்திருப்பதும் ஒரு காரணம். இதற்கு, மரபணு மற்றும் சுற்றுச்சூழல் காரணிகளும் பங்களித்திருப்பதாக சுகாதாரத் துறை தெரிவித்துள்ளது.