Cancer-Curing Nanoparticles: கோவை பேராசிரியர்கள் சாதனை|புற்றுநோயை குணப்படுத்தும் நானோ துகள்...

இதுகுறித்து பேராசிரியர்கள் குருசரவணன்  மற்றும் சாரதாதேவி ஆகிய  இருவரும் செய்தியாளர்களிடம் பேசும் போது, தற்போது புற்றுநோயை குணப்படுத்த  பயன்படுத்தப்பட்டு வரும் மருந்துகள் யாவும் புற்றுநோய் பாதித்த செல்களை மட்டுமின்றி புற்றுநோய் பாதிக்காத செல்களையும் சேர்த்து அழிக்கின்றன. ஆனால்  பேராசிரியர்கள் குருசரவணன் மற்றும் சாரதாதேவி கண்டுபிடித்த நானோ துகள்கள் புற்றுநோய் செல்களை மட்டும் தேடி தேடி அழிக்கும் தன்மை கொண்டது.

சோதனையின் முதற்கட்டமாக இந்த நானோ துகள்களை எலிக்கு செலுத்தி வெற்றி பெற்றுள்ளார்கள். இந்த நானோ துகள்களை மனிதர்களின் பயன்பாட்டிற்கு கொண்டு வர சில ஆண்டுகள் பிடிக்கும் என்று பேராசிரியர்கள் கூறுகின்றனர்.

இது ஒரு அரிய கண்டுபிடிப்பு ஆகும்.  இந்த அரிய வெள்ளி நானோ துகள் கண்டுபிடிப்பை பாராட்டி  மத்திய அரசு காப்புரிமை வழங்கி உள்ளது.

இதைத்தொடர்ந்து பலரும் பேராசிரியர்கள் குருசரவணன் மற்றும் சாரதாதேவி ஆகிய இருவரையும் பாராட்டி வருகிறார்கள்.