Captain Miller Censor Report : கேப்டன் மில்லர் படத்தின் 4 நிமிட காட்சி ரத்து

கேப்டன் மில்லர் படத்தின் மொத்த ரன் டைம் 2 மணி நேரம் 37 நிமிடங்கள் ஆகும். கேப்டன் மில்லர் படத்தில் அதிகப்படியான வன்முறைகள் இருப்பதால், படத்தில் இருந்து 4 நிமிட காட்சிகள் (Captain Miller Censor Report) நீக்கப்பட்டுள்ளன. 

சத்யஜோதி பிலிம்ஸ் தயாரிப்பில் அருண் மாதேஸ்வரன் இயக்கிய கேப்டன் மில்லர் திரைப்படத்தில் நடிகர் தனுஷ் நடித்துள்ளார். இப்படத்திற்கு இசைமைப்பாளர் ஜி.வி.பிரகாஷ் இசையமைத்துள்ளார். இப்படத்தில் தனுஷுடன் பிரியங்கா மோகன், சந்தீப் கிஷன், ஜான் கொக்கேன் , நிவேதிதா சதீஷ், சிவராஜ்குமார் ஆகியோர் நடித்துள்ளனர். மூன்று பாகங்களாக உருவாகியுள்ள உள்ள ‘கேப்டன் மில்லர்’ திரைப்படம் பொங்கல் பண்டிகையை முன்னிட்டு ஜனவரி 12ஆம் தேதி வெளியாக இருக்கிறது. பீரியட் டிராமாவாக உருவாகி இருக்கும் இப்படம், முழுக்க முழுக்க ஆக்‌ஷன் காட்சிகளால்  நிறைந்திருக்கும். 1930 முதல் 40 வரையிலான காலகட்டத்தில் நடக்கும் கதை என்றும் தனிமனித சுதந்திரத்தை மையமாக வைத்து இப்படம் உருவாகியிருப்பதாக இயக்குனர் அருண் மாதேஸ்வரன் கூறியுள்ளார். மேலும், ஒரு சாதாரண மனிதன் எப்படி போராளியாக மாறுகிறார் என்பதே இப்படத்தில் தனுஷின் கதாபாத்திரம் என்று தெரிவித்திருந்தார்.