Chandrayaan 2 Finds High Density In Moon : நிலவு பூமிக்கு நெருக்கமாக வரும்போது அதன் மின்னணு அடர்த்தி அதிகரிப்பதை சந்திரயான் 2 விண்கலம் கண்டுபிடித்துள்ளது

நிலவு பூமிக்கு அருகில் வரும்போது அதன் மின்னணு அடர்த்தி அதிகரிக்கிறது என்பதை சந்திரயான் 2 விண்கலம் (Chandrayaan 2 Finds High Density In Moon) கண்டுபிடித்திருக்கிறது. எப்போதும் இறந்து போன கிரகத்தில்தான் மின்னணு அடர்த்தி குறைவாக இருக்கும். அந்த வகையில் பார்த்தால் நிலவுக்கு நமது பூமி உயிர் கொடுப்பதாக இஸ்ரோ விஞ்ஞானிகள் கருதுகின்றனர். இந்த புதிய கண்டுபிடிப்பின் மூலம் வரும் நாட்களில் மனிதர்கள் நிலவில் தரை இறங்கும்போது எந்த சிக்கலும் இல்லாமல் அவர்களை பாதுகாக்க முடியும் என்று ஆய்வாளர்கள் கூறுகின்றனர்.  

இதுகுறித்து இஸ்ரோ வெளியிட்டுள்ள செய்திக்குறிப்பில் “நிலவு பூமிக்கு நெருக்கமாக வரும் நாட்களில் அதன் மின்னணு அடர்த்தி அதிகரிக்கிறது, இதை ஆய்வு செய்வதன் மூலமாக நிலவில் நாம் எந்த மாதிரியான மின்னணு கருவிகளை பயன்படுத்த வேண்டும் என்று ஒரு புரிதல் நமக்கு உருவாகும்” என தெரிவித்துள்ளது. நாம் நிலவுக்கு அனுப்பிய சந்திரயான்-2 என்ன கண்டுபிடித்தது என்பதை புரிந்துக்கொள்ள வேண்டும் என்றால் நாம் சில அடிப்படையான விஷயங்களை தெரிந்துக்கொள்ள வேண்டும்.