Chennai One App : பொதுப் போக்குவரத்து சேவைகளை ஒருங்கிணைக்கும் "சென்னை ஒன்" செயலி அறிமுகம்

சென்னை போன்று வேகமாக வளர்ந்து வரும் பெருநகரத்திற்கு நிலையான போக்குவரத்து சுற்றுச்சூழல் அமைப்பை உருவாக்குவதற்கான மாநில அரசின் முயற்சிகளில் இந்த வெளியீடு ஒரு முக்கிய படியைக் குறிக்கிறது. மேலும் இந்த செயலியுடன் அடுத்த 25 ஆண்டுகளில் சென்னை நகரத்தின் போக்குவரத்து உக்திகளை வழிநடத்தும் (Chennai One App) சாலை வரைபடத்தின் விரிவான இயக்கத் திட்டத்தை (Comprehensive Mobility Plan)  முதலமைச்சர் அங்கீகரிக்கவுள்ளார். மேலும் பொது போக்குவரத்தை வலுப்படுத்துவதன் மூலம், பயணிகளின் வசதியை மேம்படுத்துவதற்கும், தடையற்ற இணைப்பை உறுதி செய்வதற்கும், கார்பன் உமிழ்வை குறைப்பதற்கும் CMP வடிவமைக்கப்பட்டுள்ளது.

இந்த சென்னை ஒன் செயலியில் டிக்கெட்டுகளை UPI மற்றும் பிற டிஜிட்டல் கட்டண முறைகள் மூலம் நேரடியாக வாங்குவதால் டிக்கெட் கவுண்டர்களில் பயணிகளின் நெரிசலை குறைக்கிறது. மேலும் இந்த செயலியின் மூலம் பொதுமக்கள் தனியார் வாகனங்களிலிருந்து பொதுப் போக்குவரத்திற்கு மாறுவதை ஊக்குவிக்கும் என்றும், இதன் மூலம் சாலை நெரிசல் குறையும் என்றும் அதிகாரிகள் நம்புகின்றனர்.