Cheques Clearing Time: காசோலைகளை ஒரே நாளில் கிளியர் செய்வதற்கான நடைமுறை.. ரிசர்வ் வங்கி அறிவிப்பு..!

அந்த வகையில் ரிசர்வ் வங்கி தற்போது வங்கி காசோலைகள் கிளியர் ஆவதற்கான நேரம் குறித்து புதிய மாற்றத்தை அறிவித்துள்ளது. வங்களில் ஒரு காசோலை கிளியர் ஆக இப்போது வரை 1 அல்லது 2 வேலை நாட்கள் காத்திருக்க வேண்டும். ஆனால், இந்த நடைமுறையை ரிசர்வ் வங்கி வேகப்படுத்தி உள்ளது. இனி வங்கிகளில் செக் டெபாசிட் செய்யப்பட்ட பணம் வர இரண்டு நாட்கள் வரை காத்திருக்க தேவையில்லை. அதே நாளில் கிளியர் ஆகப்போகிறது. இந்த புதிய நடைமுறை 2 கட்டங்களாக செயல்படுத்தப்படும் என்று ரிசர்வ் வங்கி தெரிவித்துள்ளது. அதாவது அக்டோபர் 4-ம் தேதி முதல் 2026 ஜனவரி 3-ம் தேதி வரை முதல் கட்டமும், ஜனவரி 3-ம் தேதிக்கு பிறகு இரண்டாம் கட்டமும் செயல்படுத்தப்படும் எனக் குறிப்பிட்டுள்ளது.

நாளை முதல் அடுத்தாண்டு ஜனவரி 2-ம் தேதி வரையிலான முதல்கட்டத்தில், காசோலைக்கான பணத்தை வழங்குபவரின் வங்கிகள், தங்களுக்கு சமா்ப்பிக்கப்பட்ட காசோலைகளை மாலை 7 மணிக்குள் சரிபாா்த்து, பணம் கொடுக்கப்படுமா அல்லது மறுக்கப்படுமா (Cheques Clearing Time) என்பதை உறுதிப்படுத்த வேண்டும். அப்படி 7 மணிக்குள் உறுதிப்படுத்தப்பட்ட காசோலைகள், அங்கீகரிக்கப்பட்டதாகக் கருதப்பட்டு, வாடிக்கையாளரின் கணக்கில் ஒரு மணி நேரத்திற்குள் வரவு வைக்கப்படும்.