Christmas 2025 : கிறிஸ்துமஸ் பண்டிகையின் வரலாறு, மரபுகள் மற்றும் அதன் முக்கியத்துவம்..!

கிறிஸ்தவர்களுக்கு இயேசு கிறிஸ்துவின் பிறப்புப் பெருவிழாவான கிறிஸ்துமஸ் மிக முக்கியமான பெருவிழா மற்றும் திருவிழா ஆகும். கிறிஸ்தவர்கள் டிசம்பர் மாதத்தின் தொடக்கம் முதல் தங்கள் இல்லங்களின் வாசல்களில் நட்சத்திரத்தை தொங்க விடுவார்கள். மேலும் தங்கள் இல்லங்களில் குடில், இயேசு பிறப்பின் மாட்டுத்தொழுவக் காட்சிகள் மற்றும் பைனஸ் மரத்தின் மாதிரி வடிவத்தை வைத்து விளக்குகளால் அலங்கரிக்கப்பார்கள். நாணல் போன்ற புல்லினால் கட்டிய குடிலில் குழந்தை இயேசு, மரியாள், யோசேப்பு, இடையர்கள் மற்றும் ஞானிகள் செரூபங்களை வைப்பார்கள்.  பனி பிரதேசங்களில் அதிகம் வளரக்கூடிய பைனஸ் மரத்தை மிக முக்கியத்துவமாக (Christmas 2025) கருதி அந்த மரத்தின் மாதிரி வடிவத்தை வீட்டில் அமைத்து அதை விளக்குகளால் அலங்கரிக்கப்படுவது தொன்று தொட்டு வரும் வழக்கம் ஆகும். இதே போல பொது இடங்களிலும் காட்சிக்கு வைப்பது வழக்கமாகும்.

 டிசம்பர் 24 அன்று கிறிஸ்தவர் எல்லாரும் புத்துடை அணிவர். தேவாலயத்திற்கு சென்று முழு இரவு தியானங்கள் மற்றும் செபக்கூட்டங்கள் என்பற்றில் ஈடுபடுவார்கள். தேவாலயத்தில் அன்றைய தினம் மெழுகுவர்த்தி ஏற்றி சிறப்பு பிரார்த்தனைகள் நடைபெறுவது வழக்கம். டிசம்பர் 25 காலை திருப்பலிகள் நடைபெறுவது வழக்கம் ஆகும்.

கிறிஸ்துமஸ் நாளான டிசம்பர் 25 அன்று காலையில் அயலவருடன் உணவுகளை பகிர்தலும் மற்றும் விருந்து கொடுத்தலும்  மேற்கொள்வர். அன்றைய தினம் கேக் வெட்டி கொண்டாடும் பழக்கமும் உண்டு. இரவு நேரத்தில் வாண வேடிக்கைகளில் ஈடுபடுவார்கள். நண்பர்களையும் மற்றும் உறவினரையும் சந்திக்கச் இல்லங்களுக்கு செல்வர். வாழ்த்து அட்டைகளையும் மற்றும் பரிசுகளையும் பரிமாறிக்கொள்வார்கள். இன்று உலகில் உள்ள பெரும்பாலான நாடுகளில் கிறிஸ்தவ மதத்தின் பரவல் காரணமாக அக்கொண்டாட்டங்களில் ஒரு சில வேறுபாடுகள் தென்படுகின்றன.