Ra-Next Real Estate : ரியல் எஸ்டேட் டிஜிட்டல் கட்டமைப்பு தர முகமையாக ராநெக்ஸ்ட்.. அங்கீகாரம் வழங்கியது டிராய்
Weight Loss Tips in Tamil : இயற்கை முறையில் உடல் எடையை குறைக்கும் 10 எளிய வழிகள்?
Reduce Body Heat Foods : இயற்கை முறையில் உடல் சூட்டை குறைக்கும் 10 சிறந்த உணவுகள்..!

CM Trophy 2024 : முதலமைச்சர் கோப்பை 2024 போட்டி நிறைவு

முதல்வர் கோப்பை விளையாட்டுப் போட்டி 2024 (CM Trophy 2024) தற்போது நடந்து முடிந்த நிலையில், முதல் மூன்று இடம் பிடித்த அணிகளுக்கு ஸ்டாலின் பதக்கங்களை குடுத்து வாழ்த்தினார்.

CM Trophy 2024 : 15 நாட்களாக தொடர் போட்டி

முதலமைச்சர் கோப்பை விளையாட்டுப் போட்டியில் சிலம்பம், கபடி போன்ற 36 வகையான விளையாட்டு போட்டிகள் நடத்தப்பட்டன. இந்த போட்டிகளுக்கு பள்ளி, கல்லூரி மாணவர்கள், அரசு ஊழியர்கள், மாற்றுத்திறனாளிகள் ஆகியோரை போட்டியில் கலந்துகொள்ள ஸ்டாலின் உத்தரவிட்டார். அதன்படி, அனைத்து மாவட்டங்களிலும் மாவட்ட அளவிலான விளையாட்டுப் போட்டிகள் மற்றும் மண்டல அளவிலான போட்டிகள் இந்த ஆண்டு செப்டம்பர் 10-ஆம் தேதி முதல் 24-ஆம் தேதி வரை ஆறு மண்டலத் தலைமையகங்களில் நடைபெற்றன. இந்த போட்டிக்காக 83 கோடியே 36 லட்சம் ஒதுக்கப்பட்டது.

விளையாட்டுத் துறை அமைச்சர் உதயநிதி ஸ்டாலின் மாவட்ட அளவிலான போட்டியை (10/09/2024) அன்று தொடங்கி வைத்தார். மாவட்ட அளவில் வெற்றி பெற்ற வீரர்கள் மாநில அளவில் தேர்வு செய்யப்பட்டனர். இந்த மாநில அளவிலான போட்டியை முதலமைச்சர் ஸ்டாலின் 04/10/2024 அன்று சென்னை ஜவஹர்லால் நேரு விளையாட்டு மைதானத்தில் தொடங்கி வைத்தார். முதலமைச்சர் கோப்பைக்கான (CM Trophy 2024) மாநில அளவிலான விளையாட்டுப் போட்டிகள் சென்னை, மதுரை, செங்கல்பட்டு, கோவை, திருச்சி ஆகிய 19 இடங்களில் அக்டோபர் 4ஆம் தேதி முதல் அக்டோபர் 24ஆம் தேதி வரை நடைபெற்றது.

CM Trophy 2024 : முதல் மூன்று இடங்கள்

மாநில அளவிலான இறுதிப் போட்டியில் தமிழகத்தின் 38 மாவட்டங்களைச் சேர்ந்த விளையாட்டு வீரர்கள் 1,071 பதக்கங்களை வெல்ல போட்டியிட்டனர். இதில் சென்னை மாவட்டம் 105 தங்கம், 80 வெள்ளி, 69 வெண்கலம் என மொத்தம் 254 பதக்கங்களையும், செங்கல்பட்டு மாவட்டம் இரண்டாமிடத்தையும், கோவை மாவட்டம் மூன்றாவது இடத்தையும் பெற்றுள்ளனர். இப்போட்டிகளில் (CM Trophy 2024) வெற்றி பெற்ற வீரர்களுக்கு முதல்வர் ஸ்டாலின் பதக்கங்களை வழங்கி பாராட்டுகளை தெரிவித்தார். அப்போது பேசிய அவர் வெற்றி பெற்ற வீரர்களுக்கு வாழ்த்துக்கள். விளையாட்டை ஊக்குவிக்க, திறமையான வீரர்களை ஊக்குவிப்பது, விளையாட்டு போட்டிகள் நடத்துவது, மாணவர்களுக்கு உற்சாகம் அளிப்பது அவசியம். உங்கள் பிள்ளைகள் விளையாட்டில் ஆர்வமாக இருந்தால் அவர்களை என்கரேஜ் பண்ணுங்க என்று தெரிவித்துள்ளார்.