Colliers-FICCI Report: இந்திய ரியல் எஸ்டேட்டில் அன்னிய மூலதனம்

இந்திய ரியல் எஸ்டேட்டில் அன்னிய மூலதனம் ஆனது  3 மடங்கு அதிகரித்துள்ளது – Colliers-FICCI அறிக்கை. முந்தைய ஐந்து ஆண்டுகளுடன் ஒப்பிடுகையில் 2017-21 காலகட்டத்தில் இந்திய ரியல் எஸ்டேட்டில் அன்னிய மூலதனம் ஆனது 3 மடங்கு அதிகரித்து 23.9 பில்லியன் டாலராக உயர்ந்து  உள்ளது என்று Colliers-FICCI அறிக்கை தெரிவித்துள்ளது.     

இந்திய ரியல் எஸ்டேட் துறையில் 2016 இல் அறிமுகப்படுத்தப்பட்ட ஒழுங்குமுறை சீர்திருத்தங்களால் இந்திய ரியல் எஸ்டேட்டில் முதலீடு செய்வதில் உலகளாவிய முதலீட்டாளர்கள் அதிக நாட்டம் காட்டியுள்ளனர்  என்று  சொத்து ஆலோசகர் கோலியர்ஸ் தனது அறிக்கையில் குறிப்பிட்டுள்ளார். அதை அவர் ‘இந்திய ரியல் எஸ்டேட்டில் வெளிநாட்டு முதலீடுகள் ஒரு மூலையைத் திருப்புகின்றன’ என்ற  தலைப்பில் வெளியிட்டுள்ளார்.

2016- க்கு முன்புவரை இந்திய ரியல் எஸ்டேட்டில் வெளிப்படைத்தன்மை இல்லை என்று கருதி இந்திய ரியல் எஸ்டேட் சந்தையில் முதலீடு செய்வதைத் தவிர்த்த வெளிநாட்டு முதலீட்டாளர்கள், 2017 முதல் அதிக நம்பிக்கையுடன் நாட்டில் முதலீடு செய்யத் தொடங்கி உள்ளனர்,” என்று கோலியர்ஸ் கூறி உள்ளார்.

தரவுகளின்படி, ரியல் எஸ்டேட்டில் அன்னிய முதலீடு 2012-2016ல் 7.5 பில்லியன் டாலரிலிருந்து 2017-21 காலகட்டத்தில் 23.9 பில்லியன் டாலராக உயர்ந்து  உள்ளது. இந்திய ரியல் எஸ்டேட்டில்  மொத்த முதலீடுகள் ஆனது 2012-2021 காலகட்டத்தில் 49.4 பில்லியன் டாலர்களாக இருந்தன, இதில் 64% பில்லியன் டாலர்கள் வெளிநாட்டு முதலீட்டாளர்களிடமிருந்து வந்துள்ளன.

2017-2021 இல் அதற்கு முந்தைய ஐந்தாண்டு காலத்தில் 37% ஆக இருந்த வெளிநாட்டு முதலீடுகளின் பங்கு ஆனது  82% ஆக அதிகரித்துள்ளது. மொத்த வெளிநாட்டு முதலீடுகளில் 2017-21 ஆம் ஆண்டில் அலுவலகத் துறை ஆனது  43% பங்கைக் கொண்டிருந்தது, அதைத் தொடர்ந்து கலப்புப் பயன்பாட்டுத் துறை ஆனது 18% பங்கைக் கொண்டிருந்தது.

தொழில்துறை மற்றும் தளவாடத் துறைகளில் வெளிநாட்டு முதலீட்டாளர்கள் முதலீடுகள் நின்றன. குடியிருப்புத் துறையில் NBFC நெருக்கடி மற்றும் குறைந்த குடியிருப்பு விற்பனை காரணமாக வெளிநாட்டு முதலீட்டாளர்கள் எச்சரிக்கையாக இருந்தனர்  என்று  Colliers கூறியுள்ளார்.

2017-2021 இல் மொத்த வெளிநாட்டு முதலீடுகளில் குடியிருப்பு சொத்துக்களின் பங்கு முந்தைய ஐந்து ஆண்டு காலத்தின் 37% இல் இருந்து 11% ஆக குறைந்து உள்ளது. ஆனால் அலுவலகத் துறையில் 2017 முதல் வெளிநாட்டு முதலீடுகள் ஒவ்வொரு ஆண்டும் $2 பில்லியன்களை எட்டியுள்ளன.

2017-21 ஆம் ஆண்டில், மாற்று சொத்துக்கள் சுமார் $1 பில்லியன் வரவைக் கண்டுள்ளன. அந்த  சுமார் $1 பில்லியன் வரவில் பெரும்பாலானவை தொற்றுநோய்களின் போது வந்துள்ளன.

2017 ஆம் ஆண்டு முதல் ஒவ்வொரு ஆண்டும் வெளிநாட்டு முதலீடுகளில் அமெரிக்கா மற்றும் கனடா நாடுகளின்  முதலீடுகளின் பங்கு ஆனது 60% க்கும் அதிகமாக உள்ளது. தொற்றுநோயால் முன்வைக்கப்பட்ட சவால்கள் இருந்தபோதிலும், அமெரிக்கா மற்றும் கனடாவின்  முதலீடுகளின் பங்கு நல்ல நிலையில் தொடர்கிறது. அமெரிக்கா மற்றும் கனடா இந்திய தொழில்துறை பிரிவை தீவிரமாக ஆராய்கின்றன.