Conjuring Kannappan Movie Review : 'கான்ஜூரிங் கண்ணப்பன்' படத்தின் திரைவிமர்சனம்

கதாநாயகன் சதீஷ் தனக்குக் கிடைக்கும் ட்ரீம் கேச்சரில் இருந்து ஒரு இறகினை தெரியாமல் பறித்துத் தனியாக வீசுகிறான். இது அவருக்கு ஒரு கெட்ட கனவை அளிக்கிறது. இதைப் பற்றி சதீஷ் முதலில் அமானுஷ்ய ஆய்வாளராக நாசர் மற்றும் மனநல மருத்துவர் ரெடின் கிங்ஸ்லி ஆகியோரிடம் கூறுகிறார். நாசரை நம்பாத சதீஷ் ரெடின் கிங்ஸ்லியின் மருத்துவ ஆலோசனையைப் பின்பற்றுகிறார். ஆனால் தூங்கிய உடனே வரும் கெட்ட கனவில் சதீஷுக்கு அடிபட்டால், கனவு முடிந்து நிஜ வாழ்க்கையிலும் அவருக்கு அடிபட்டு இருக்கும்.

இதை பார்த்த சதீஷ் மிகவும் பயந்து பின்னர் நாசர் சொல்வதை நம்புகிறார். சதீஷ் கனவில் தனக்கு துணைக்கு ஆட்கள் வேண்டும் என ஆனந்த் ராஜ் மற்றும் ரெடின் கிங்ஸ்லி ஆகியோரை ட்ரீம் கேச்சரில் இருந்து இறகினை பிரித்தெடுக்க வைத்து விடுகிறார். ஆனால் சதீஷ், அவரது குடும்பத்தினர், அம்மா சரண்யா பொன்வண்ணன், அப்பா விடிவி கணேஷ், மாமா நாடோடிகள் சின்னமணி என இவர்களும் ஆளுக்கொரு இறகினை பிரித்து எறிந்து விட அனைவரும் கனவில் வரும் பேயிடம் சிக்கிக் கொள்கிறார்கள். நாசர் மற்றும் அவரது உதவியாளர் ரெஜினா அவர்களை காப்பாற்ற முயற்சிக்கின்றனர். இறுதியில் அவர்கள் கனவில் வரும் பேயிடமிருந்து தப்பித்தார்களா இல்லையா என்பது மீதிக்கதையாகும்.