Coolie Movie Review : ரஜினிகாந்த் நடித்துள்ள கூலி படத்தின் திரை விமர்சனம்

கூலி படத்தின் one line கதையானது விசாகப்பட்டினம் துறைமுகத்தை சேர்ந்த வில்லன் கும்பலுடன்  சென்னையை  சேர்ந்த மேன்ஷன்  நடத்தும் ரஜினிகாந்திற்கும் என்ன தொடர்பு உள்ளது?, இதற்கு பின்னால் யார் செயல்படுகிறார்?, ஏன் ரஜினிகாந்த் விசாகப்பட்டினம் வில்லன் கும்பலைத் தேடி செல்கிறார்? அடிப்படையில்  ரஜினிகாந்திற்கும் கூலிக்கும் என்ன கனெக்‌ஷன் என்பது போன்ற கேள்விகளுக்கு பதில் தான்.

இந்தப் படத்தின் முதல்பாதி ஆனது விசாகப்பட்டினம் துறைமுகத்தை கண்ட்ரோலில் வைத்திருக்கும் நாகர்ஜுனா மற்றும் அந்த துறைமுகத்தில் (Coolie Movie Review) நடைபெறும் பல குற்றச்சம்பவங்கள்,  அதன் பாதிப்புக்களை சுற்றி வலம் வருகிறது. அதனால் பாதிக்கப்பட்ட  சத்யராஜ் குடும்பத்தை காப்பாற்ற  ரஜினிகாந்த் களமிறங்குகிறார்.  அந்தப் போராட்டத்தில் ஈடுபட்ட பிறகுதான் கடத்தல் தவிர ஏராளமான கொலைகளும் நடைபெற்று வருவது தெரிகிறது.

சின்ன சின்ன சஸ்பென்ஸூகளும் மற்றும் ரஜினிகாந்தின் சிறப்பான ஆக்‌ஷன்களும் படத்தின்  முதல்பாதிக்கு பலம் கூட்டுகிறது. மக்கள் எதிர்பார்ப்பது போல் இரண்டாம் பாதியில் முழுக்க முழுக்க ஆக்‌ஷன் படமாக எடுக்கப்படவில்லை. இயக்குநர் லோகேஷ் இரண்டாம் பாதியில்  சென்டிமென்ட்டைச் சேர்த்து டிவிஸ்ட் கொடுத்து ஆச்சரியப்படுத்தியிருக்கிறார். ரஜினிகாந்தின் De-aging காட்சிகள் மிகவும் அற்புதம்.  ரஜினிகாந்த்  தனது வழக்கமான பஞ்ச் வசனங்கள் (Coolie Movie Review) எதுவும் இல்லாமல் தனது நடிப்பாற்றலால் காட்சிகளுக்கு மெருகேற்றியுள்ளார்.  ரஜினிகாந்த் கோபமாகப் பார்ப்பது, மற்றும் வில்லனிடம் நக்கலடிப்பது போன்ற காட்சிகள் மிகவும் சிறப்பானவை. லோகேஷூம் மற்றும் கேமராமேன் கிரீஷ் கங்காதரனும் இந்த காட்சிகளை பக்காவாக வடிவமைத்துள்ளனர். நாகர்ஜூன் குறைந்த காட்சிகளில் வந்தாலும்  மிக ஸ்டைலாக வந்து நிறைவாக செய்துள்ளார். ஸ்ருதிஹாசன் சிறப்பாகவே நடித்துள்ளார். மேலும் இத்திரைப்படத்தில் அமீர்கான், சத்யராஜ், சார்லி, உபேந்திரா, மற்றும் அனைவரும் தங்கள் நடிப்பை சிறப்பாக வெளிப்படுத்தியுள்ளனர்.

இந்தப் படம் ஒரு பான் இந்தியா படமாக உருவாகியுள்ளது.  இந்தப் படம் சிறப்பாக திரை அரங்குகளில் ஓடி  1300 கோடி ரூபாய்க்கு மேல் வசூலை  அள்ளும் என நம்பப்படுகிறது. மேலும் இந்த படத்திற்கு ஏரளாமான ரிவ்யூக்கள்(Coolie Movie Review) வந்து கொண்டிருக்கின்றன. ரஜினிகாந்தின்  சினிமா வாழ்க்கையில் சிறப்பாக திரை அரங்குகளில் ஓடிய ஒரு திரைப்படமாக அமையும் என எதிர்பார்க்கப்படுகிறது.