Cyclone Montha : வங்க கடலில் உருவாகிறது "மோந்தா" புயல்..!

தமிழகத்தில் அக்டோபர் 3-ம் வாரத்தில் வடகிழக்கு பருவ மழை தொடங்கி பரவலாக மழை பெய்து வரும் நிலையில், பெரிய அளவில் பாதிப்பை ஏற்படுத்தவில்லை. ஏனெனில் வங்கக் கடலில் சமீபத்தில் உருவான காற்றழுத்த தாழ்வுப்பகுதி, தீவிர காற்றழுத்த தாழ்வுப்பகுதியாக மட்டுமே வலுப்பெற்றது. அதேசமயத்தில் (Cyclone Montha) ஆழ்ந்த காற்றழுத்த தாழ்வு மண்டலமாகவோ, புயலாகவோ வலுவடையவில்லை. இதனிடையே வலுவிழந்து குறைந்து காற்றழுத்த தாழ்வுப்பகுதியாக மாறியதால் மழை பொழிவு குறைந்துவிட்டது.

இந்த நிலையில் தெற்கு அந்தமான் மற்றும் அதனையொட்டிய தென்கிழக்கு வங்கக்கடல் பகுதிகளில் இன்று மேலும் ஒரு புதிய காற்றழுத்த தாழ்வுப்பகுதி உருவாகி உள்ளதாக இந்திய வானிலை ஆய்வு மையம் தெரிவித்துள்ளது. இந்த காற்றழுத்த தாழ்வு நிலை வரும் 27-ம் தேதி புயலாக உருவெடுக்க வாய்ப்பு உள்ளதாக சென்னை வானிலை ஆய்வு மையம் கூறியுள்ளது. இந்த புயலுக்கு Montha புயல் என பெயர் சூட்டப்பட்டுள்ளது. மேலும் இன்று உருவாகி உள்ள காற்றழுத்த தாழ்வுப் பகுதி அக்டோபர் 26-ம் தேதி ஆழ்ந்த காற்றழுத்த தாழ்வு மண்டலாமாகவும், வரும் 27-ம் தேதி புயலாக வலுப்பெறும் வாய்ப்பு உள்ளதாக சென்னை வானிலை ஆய்வு மையம் கூறியுள்ளது. இந்த மோந்தா புயல் வட மேற்கு திசையில் நகர்ந்து காற்றழுத்தத் தாழ்வு மண்டலமாக வலுப்பெற்று, புயலாக மாறும் என கணித்துள்ள வானிலை ஆய்வு மையம், அக்டாபர் 27-ம் தேதி சென்னையில் மிக கனமழை பெய்யும் என்று எச்சரிக்கை விடுத்துள்ளது.