D50 First Look : வெளியானது தனுஷின் D50 "ராயன்" ஃபர்ஸ்ட் லுக்

தனுஷ் இயக்கி நடித்திருக்கும் D50 படம் கடந்த ஆண்டு அறிவிக்கப்பட்டது. கடந்த ஆண்டு ஜனவரி மாதம் தொடங்கிய இப்படத்தின் படப்பிடிப்பு டிசம்பரில் முடிவடைந்தது. தனுஷ் தனது 50வது படத்தை தானே இயக்கி நடித்துள்ளார். இப்படத்தை சன் பிக்சர்ஸ் நிறுவனம் தயாரித்துள்ளது. இதற்கு முன் தனுஷ் இயக்கத்தில் ராஜ்கிரண், ரேவதி மற்றும் பலர் நடித்த ‘பவர் பாண்டி’ படம் பெரும் வெற்றி பெற்றது. ஒரு படத்தை இயக்குவதற்கு முன் நிறைய கற்றுக்கொள்ள வேண்டும் என்று தான் உணர்கிறேன் என்று கூறிய தனுஷ், சில வழிமுறைகளை வழங்கினார். தனுஷ் தற்போது இயக்குவதில் தீவிரம் காட்டி இயக்கி முடித்துள்ள படம் D50. இப்படத்தின் ஃபர்ஸ்ட் லுக் (D50 First Look) தற்போது வெளியாகியுள்ளது.

தற்போது வெளியாகியுள்ள ஃபர்ஸ்ட் லுக்கில் தனுஷ் மொட்டைத் தலையுடன் வித்தியாசமான தோற்றத்தில் காணப்படுகிறார். இதில் அவர் சமையல் கலைஞரின் உடையை அணிந்துள்ளார். ஆனால் இந்த போஸ்டரில் ரத்தக் கறைகள் காணப்படுவதுடன் காளிதாஸ் மற்றும் சந்தீப் கிஷன் பின்புறத்தில் காணப்படுகின்றனர். இப்படம் கேங்ஸ்டர் படமாக உருவாகும் என்று முன்பே அறிவிக்கப்பட்டது. அதை நிரூபிக்கும் வகையில் படத்தின் ஃபர்ஸ்ட் லுக் போஸ்டர் (D50 First Look) வெளியாகியுள்ளது. இந்த படத்தில் தனுஷுடன் காளிதாஸ் ஜெயராம் மற்றும் சந்தீப் கிஷன் நடித்துள்ளனர். ஓம் பிரகாஷ் ஒளிப்பதிவும் ஜாக்கி கலை இயக்குனராக பணியாற்றியுள்ளார். தனது முதல் படத்தை ஒரு ஃபீல் குட் படமாக இயக்கிய தனுஷ், இந்தப் படத்தில் கேங்ஸ்டர் கதையை கையாள்வது ரசிகர்களிடையே எதிர்பார்ப்பை ஏற்படுத்தியுள்ளது.