DCW vs RCBW WPL 2024 Final : வரலாறு படைத்தது பெங்களூரு - மகளிர் ஐபிஎல் தொடரில் முதல் கோப்பையை வென்றது ஆர்.சி.பி.

முதலில் பேட் செய்ய வந்த மெக் லானிங் 11வது ஓவரில் 23 ரன்கள் எடுத்த நிலையில் ஆட்டமிழந்தார். அதன்பிறகு ஆடிய டெல்லி கேப்பிட்டல்ஸ் 18.3 ஓவரில் யாரும் பெரிய ரன் சேர்க்காமல் 113 ரன்களுக்கு ஆல் அவுட் ஆனது. பெங்களூரு அணியின் சோபி மோலினியூக்ஸ் 3 விக்கெட்டுகளையும், ஸ்ரேயங்கா பட்டேல் 4 விக்கெட்டுகளையும், ஆஷா சோபனா 2 விக்கெட்டுகளையும் வீழ்த்தினர்.

இதையடுத்து, இறுதிப் போட்டியில் 114 ரன்கள் எடுத்தால் வெற்றி என்ற எளிய இலக்குடன் ராயல் சேலஞ்சர்ஸ் பெங்களூர் அணி களம் இறங்கியது. கடந்த சீசனில் ப்ளே-ஆஃப் சுற்றுக்கு கூட செல்லாத அவர்கள், இந்த முறை கோப்பையை வெற்றிகரமாக விரட்டியடித்தனர். இலக்கு சிறியதாக இருந்தாலும் ஆடுகளம் பந்துவீச்சுக்கு சாதகமாக இருந்ததால் நிதான ஆட்டத்தை வெளிப்படுத்திய பெங்களூரு அணி கடைசி ஓவரில் 5 ரன்கள் தேவை என்ற நிலைக்கு போட்டியை கொண்டு சென்றது.

எல்லிஸ் பெர்ரி மற்றும் ரிச்சா கோஷ் ஆகியோர் களத்தில் இருந்தனர். கடைசி ஓவரின் முதல் இரண்டு பந்துகளில் இரண்டு ரன்கள் எடுக்கப்பட்டன. ரிச்சா கோஷ் மூன்றாவது பந்தில் பவுண்டரி அடித்து, பெங்களூரு அணி முதல்முறையாக மகளிர் ஐபிஎல் கோப்பையை வென்று வரலாறு படைத்தது.