Dhanush In Jailer 2 : ஜெயிலர் 2 படத்தில் தனுஷை கொண்டு வரும் நெல்சன்

ஜெயிலர் முதல் பாகத்தின் வெற்றியை தொடர்ந்து தற்போது ஜெயிலர்  இரண்டாம் பாகத்திற்கு திரைக்கதையை நெல்சன் திலிப்குமார் எழுதி வருகிறார். இப்படத்தின் முதல் பாகத்தில் நடித்த ரம்யா கிருஷ்ணன், மோகன்லால், மிர்னா, சிவராஜ்குமார் மற்றும் சில சுடுதல் நடிகர்களும் நடிக்க இருப்பதாக கூறப்படுகிறது. தற்போது வெளியாகியுள்ள தகவலின்படி ஜெயிலர் 2 படத்தில் தனுஷ் சிறப்பு தோற்றத்தில் (Dhanush in Jailer 2) நடிக்க இருப்பதாக கூறப்படுகிறது. இந்த தகவல் உண்மையாக இருக்க அதிக வாய்ப்புகள் உள்ளன. தனுஷ் ஏற்கனவே நெல்சன் இயக்கத்தில் ஒரு படத்தில் நடிக்க இருந்தார். தனுஷுக்கு அதிகப்படியாக இருந்த கமிட்மென்ட் காரணமாக படம் தாமதமாகிக் கொண்டே போனது.

மேலும் ஜெயிலர் முதல் பாகம் மாபெரும் வெற்றி பெற்றதால், இரண்டாம் பாகம் மீது ரசிகர்களிடையே பெரும் எதிர்பார்ப்பு நிலவுகிறது. இந்த எதிர்பார்ப்பு நிறைவேற வேண்டுமானால், தனுஷ் (Dhanush in Jailer 2) போன்ற ஒரு நடிகரின் என்ட்ரி படத்திற்கு பெரிய ப்ளஸ் தான். ரஜினிகாந்த் தற்போது லோகேஷ் கனகராஜ் இயக்கத்தில் கூலி படத்தில் நடித்து வருகிறார். இப்படத்தில் சத்யராஜ், உபேந்திரா, நாகார்ஜுனா, ஸ்ருதிஹாசன், செளபின் சாஹிர் மற்றும் பலர் நடித்து வருகின்றனர். சன் பிக்சர்ஸ் படத்தை தயாரிக்க அனிருத் இசையமைக்கிறார். கூலி படம் வெளியான பிறகு ஜெயிலர் 2 பற்றிய அதிகாரபூர்வ அறிவிப்பை எதிர்பார்க்கலாம்.