Diwali 2025: தீபாவளி பண்டிகையின் வரலாறும் முக்கியத்துவமும்..!

தீபாவளி பண்டிகையின் தோற்றம் குறித்து பண்டைய இந்து காவியங்களிலும் புராணங்களிலும் பல்வேறு வடிவங்களில் கூறப்படுகிறது. ஒவ்வொரு மதத்துக்கும், பிரதேசத்துக்கும் தீபாவளி கொண்டாட்டம் குறித்து தனித்தனியான புராணக் கதைகள் உள்ளன. அதுகுறித்து விரிவாக பார்க்கலாம். நாம் அனைவரும் அறிந்தபடி, இராமர் 14 ஆண்டுகள் வனவாசம் முடிந்து மீண்டும் அயோத்திக்கு திரும்பிய நாளே தீபாவளி எனப் பெரும்பாலானோர் நம்புகின்றனர். வானர தலைவன் இராவணனை அழித்து சீதையை மீட்டு வந்த இராமனை வரவேற்க அயோத்தி நகரம் முழுவதும் மக்கள் எண்ணற்ற தீபங்களை ஏற்றி மகிழ்ந்தனர். அந்த ஒளிவிழாதான் இன்று தீபாவளியாக (Diwali 2025) கொண்டாடப்படுகிறது. மேலும் இது நன்மை தீமையை வென்ற நாள் என்றும், தர்மம் அதர்மத்தை வென்ற நாள் என்றும் புராணங்கள் கூறுகிறது. அதேபோல் நரகாசுரன் என்ற அசுரன் 16,000 பெண்களை சிறையில் அடைத்து துன்புறுத்தினான். அவனை அழித்து அந்தப் பெண்களை காப்பாற்றியது பகவான் கிருஷ்ணர் தான். அந்த வெற்றியை கொண்டாடும் நாளாக ‘நரக சதுர்த்தசி’ என்ற பெயரில் தென்னிந்தியாவில் தீபாவளி பண்டிகை கொண்டாடப்படுகிறது.