Double Tuckerr Movie Review : டபுள் டக்கர் திரைப்படத்தின் திரை விமர்சனம்

படம் ஆரம்பம் முதலே வேடிக்கையாக உள்ளது. குறிப்பாக லெஃப்ட் மற்றும் ரைட் கதாபாத்திரங்கள் சினிமா கதாபாத்திரங்களாக மாறி தங்கள் எண்ணங்களை வெளிப்படுத்தும் காட்சிகளில் கைதட்டல் பெற்றது. சிம்பயாசிஸ் டெக்னாலஜிஸின் அனிமேஷன் இந்தக் காட்சிகளுக்கு வலு சேர்க்கிறது. திரைப்பட கதாபாத்திரங்களுக்கு அப்பால் நன்கு அறியப்பட்ட ஒரு பாத்திரம் அனிமேஷில் இடம்பெற்றுள்ளது. இந்த கதாபாத்திரம் திரையரங்கில் நல்ல வரவேற்பை பெற்றது. துள்ளலான கதைக்களத்திற்கு வித்யாசாகரின் இசை வலுவாகப் பொருந்துகிறது. காளி வெங்கட் மற்றும் முனிஷ்காந்த் ஆகியோர் தங்கள் குரல் மூலம் லெஃப்ட் மற்றும் ரைட் அனிமேஷன் கதாபாத்திரங்களுக்கு உயிர் கொடுத்தனர். இவர்களை கடந்து, சுனில் ரெட்டி, ஷா ராவ் ஆகியோரின் நகைச்சுவைக் காட்சிகள் வரவேற்பை பெற்றது.

Double Tuckerr Movie Review : படத்தின் முதல் பாதியில் தீவிரமாக இருக்கும் நகைச்சுவை, இரண்டாம் பாதியில் ஆங்காங்கே நகைச்சுவையை தெளித்துள்ளனர். அனிமேஷன் கேரக்டரைத் தவிர, மற்றவர்களின் நகைச்சுவை கொஞ்சம் ஒர்க் அவுட் ஆகவில்லை. திரைக்கதையில் திருப்பங்கள் இருந்தாலும், கதைக்களத்தில் அந்தத் திருப்பங்கள் ரசிகர்களின் மனதில் பதியவில்லை. பல கதாபாத்திரங்கள் நினைவில் நிற்கும் அளவிற்கு சித்தரிக்கப்படவில்லை. நடிகர்களிடமிருந்து இன்னும் கொஞ்சம் வேலை இருந்திருக்கலாம். படத்தின் ஹீரோ தீரஜ் மேக்கப்பில் கூடுதல் கவனம் செலுத்தியிருக்கலாம். மொத்தத்தில் மீரா மஹதியின் டபுள் டக்கர் குழந்தைகளை மகிழ்விக்கும்.