February 2025 Sunita Williams Will Return To Earth : சுனிதா வில்லியம்ஸ் பிப்ரவரி 2025ல் பூமி திரும்புவார்

கடந்த ஜூன் மாதம் 5-ம்  தேதி போயிங் நிறுவனத்தின் ஸ்டார்லைனர் காப்ஸ்யூல் விண்கலத்தில் புட்ச் வில்மோர் மற்றும் சுனிதா வில்லியம்ஸ் 8 நாள் சோதனை பயணமாக சர்வதேச விண்வெளி நிலையத்திற்கு சென்றனர். ஸ்டார்லைனர் விண்கலத்தில் ஏற்பட்ட தொழில்நுட்ப கோளாறு காரணமாக அவர்கள் பூமி திரும்புவதில் சிக்கல் ஏற்பட்டது. 8 நாள் பயணமாக சர்வதேச விண்வெளி நிலையம் International Space Station (ISS) சென்ற அவர்கள் தற்போது 80 நாட்கள் கடந்த போதும் பூமிக்கு திரும்ப முடியாமல் சிக்கி உள்ளனர். சுனிதா வில்லியம்ஸ் மற்றும் புட்ச் வில்மோர் பூமிக்கு எப்போது திரும்புவார்கள் என பெரும் எதிர்பார்ப்பு நிலவி வருகிறது. ஆனால் விண்வெளி வீரர்களான சுனிதா வில்லியம்ஸ் மற்றும் புட்ச் வில்மோர் ஆகியோர் விண்வெளியில் சிக்கவில்லை என நாசா தெரிவித்துள்ளது. எக்ஸ்பெடிஷன் 71/72 குழுவினருடன் புட்ச் மற்றும் சுனிதா பாதுகாப்பாக உள்ளனர். அவர்கள் ஸ்டார்லைனர் விண்கலத்தின் சோதனை மற்றும் தொழில்நுட்ப பணிகளில் தீவிரமாக ஈடுபட்டு வருகின்றனர். அவசரநிலை ஏற்பட்டால் இருவரும் ஸ்டார்லைனரில் பூமி திரும்புவார்கள் என்று நாசா கூறியுள்ளது.