Gifted By Luxury Car To The Maharaja Director : மகாராஜா இயக்குநருக்கு சொகுசு கார் பரிசளித்த படக்குழு

நிதிலன் சுவாமிநாதன், இது குறித்து எக்ஸ் தள பக்கத்தில் மகிழ்ச்சியும், நன்றியும் தெரிவித்துள்ளார். அதோடு தயாரிப்பாளர்கள் சுதன், ஜெகதீஷ் மற்றும் விஜய் சேதுபதியுடன் புதிய காரை பரிசாக (Gifted By Luxury Car To The Maharaja Director) பெற்றுக்கொள்ளும் போது எடுத்துக்கொண்ட புகைப்படத்தை பகிர்ந்துள்ளார். குரங்கு பொம்மை படத்தின் மூலம் ரசிகர்களை கவர்ந்த நிதிலன் சுவாமிநாதனுக்கு இரண்டாவது படமாக மகாராஜா அவருக்கு மாபெரும் வரவேற்பை கொடுத்துள்ளது. இதை தொடர்ந்து அவரது பயணம் சிறப்பாக அமையும் என எதிர்பார்க்கலாம்.

கடந்த ஜூன் 14 ஆம் தேதி மகாராஜா படம் திரையரங்குகளில் வெளியாகி மாபெரும் வரவேற்பை பெற்ற நிலையில், தற்போது ஓடிடி தளத்திலும் வெளியாகி வரவேற்பை பெற்று வருகிறது. இந்தியாவில் அதிகமானோர் ஓடிடியில் படத்தை பார்த்து வருகின்றனர். மேலும் வெளிநாடு ரசிகர்களும் படத்தை ஓடிடியில் பார்த்து வருகின்றனர். இந்நிலையில் நிதிலன் சுவாமிநாதன் அடுத்ததாக இயக்கவுள்ள படத்தை பேஷன் ஸ்டூடியோஸ் நிறுவனமே தயாரிக்க இருப்பதாக கூறப்படுகிறது.