Google Cloud India : இந்தியா உலகிலேயே வேகமாக வளர்ந்து வரும் சந்தைகளில் ஒன்று

இந்தியாவில் கூகுள் கிளவுட் ஆனது நிதி சேவைகள், பொழுதுபோக்கு, கேமிங், சில்லறை விற்பனை, CPG, சுகாதாரம், அறிவியல், தகவல் தொடர்பு சேவை வழங்குநர்கள், ஊடகம் மற்றும் உற்பத்தி, தொழில்துறை, விநியோகச் சங்கிலி, தளவாடங்கள் மற்றும் பொதுத்துறை உள்ளிட்ட துறைகளில் (Google Cloud India) கவனம் செலுத்துகிறது. இந்தியாவில் அதன் வாடிக்கையாளர்கள் பட்டியலில் TVS, HCL, InMobi, Dailyhunt, HDFC குழுமம், ICICI வங்கி, மணிப்பால் மருத்துவமனைகள், பிளிப்கார்ட், மீஷோ, அதானி குழுமம், VOOT, Jio மற்றும் Airtel போன்ற முன்னணி நிறுவனங்கள் இடம் பெற்றுள்ளன. கூகுள் கிளவுட் நிறுவனம் ஆனது பல அரசுத் துறைகள், அரசுக்குச் சொந்தமான நிறுவனங்கள் மற்றும் பொதுத்துறை வங்கிகளுடன் இணைந்து பணியாற்றத் தொடங்கி உள்ளது.

கூகுள் கிளவுட் ஆனது இந்தியாவின் வணிகங்கள் தங்கள் டிஜிட்டல் மாற்றத்தை விரைவுபடுத்த உதவுவதில் தொடர்ந்து கவனம் செலுத்தி வருகிறது. இந்தியாவின் டிஜிட்டல் மயமாக்கல் மற்றும் பொருளாதார மீட்சிக்கான கூகுள் கிளவுட்டின் உறுதிப்பாட்டை ஆழப்படுத்துகிறது.

கூகுளின் கிளவுட் தளம் ஆனது Gmail மற்றும் YouTube போன்ற ஒன்பது சேவைகளுக்கு அடிப்படையாகும். இவை Gmail மற்றும் YouTube இரண்டும் 1 பில்லியனுக்கும் அதிகமான பயனர்களைக் கொண்டுள்ளன. இவை கூகுள் கிளவுட்டில் இயங்குகின்றன. மேலும் இது தளத்திற்கு ஒரு நம்பகத்தன்மையை அளிக்கின்றது. இப்போது கூகுள் கிளவுட் ஆனது அந்த திறனை நிறுவன வாடிக்கையாளர்களிடம் முன்பை விட மிகப் பெரிய அளவில் எடுத்துச் செல்ல விரும்புகிறது.

இந்தியாவில் கூகுள் கிளவுட் ஆனது மும்பை மற்றும் டெல்லி ஆகிய இரண்டு பகுதிகளில் இயங்கி வருகிறது. அவை நிதி சேவைகள், சுகாதாரம், மின்வணிகம் மற்றும் தொலைத்தொடர்பு உள்ளிட்ட துறைகளில் பல்வேறு வாடிக்கையாளர்களை ஆதரிக்கின்றன.

இந்தியாவில் அடுத்து வரும் சில ஆண்டுகளில் ஒரு ஆராய்ச்சி மற்றும் மேம்பாட்டு மையத்தை உருவாக்குவதே கூகுள் கிளவுட் நிறுவனத்தின் முக்கிய (Google Cloud India) குறிக்கோள்களில் ஒன்றாகும். அடுத்த இரண்டு ஆண்டுகளில், உலகளவில் 70 முதல் 75 சதவீதத்திற்கும் அதிகமான நிறுவனங்கள் ஏதாவது ஒரு வடிவத்தில் கிளவுட் உத்தியை ஏற்றுக்கொள்ளும் என்று Google Cloud V.P.Bedi கூறுகிறார்.

இப்போது டெல்லி தேசிய தலைநகர் பிராந்தியத்தில் (NCR) புதிய கூகுள் கிளவுட் பகுதி திறக்கப்பட்டுள்ளது. கூகிள் கிளவுட் ஆனது இந்தியாவில் தங்கள் இருப்பை வேகமாக விரிவுபடுத்தி வரும் அமேசான் வலை சேவைகள் மற்றும் மைக்ரோசாப்ட் போன்ற போட்டியாளர்களுக்கு எதிராக மிகவும் தீவிரமாக போட்டியிட இந்த புதிய கிளவுட் உதவும் என அறிவித்துள்ளது.