Google Meet Real Time Speech Translation : கூகுள் மீட்டில் குரல் உரையாடலை அப்படியே மொழிமாற்றம் செய்யும் புதிய அம்சம் அறிமுகம்

கூகுள் நிறுவனத்தின் இந்த புதிய அம்சத்தின் மூலம் ஆன்லைன் அலுவலக மீட்டிங்கில் கலந்து கொள்ளும் ஊழியர்கள் தங்களின் ஐடியாக்களை எந்த சிரமும், இல்லாமல் எந்த மொழியில் வேண்டுமானாலும் பேசலாம். மேலும் நாம் பேசுவதை எதிர் புறம் உள்ளவர்கள் அவர்கள் விரும்பும் மொழியில் மொழிபெயர்த்து தரும் அளவில் இந்த புதிய அம்சம் வடிவமைக்கப்பட்டுள்ளது. 

கூகுளின் இந்த குரல் உரையாடலை மொழிமாற்றம் செய்யும் புதிய அம்சமானது முதலில் ஆங்கிலம் மற்றும் ஸ்பானிஷ் என இரண்டு மொழிகளில் அமல்படுத்தப்படவுள்ளதாகவும், இந்தாண்டு இறுதிக்குள் இத்தாலியன், ஜெர்மன், போர்ச்சுகீசியம் என பல உலக மொழிகளில் இந்த அம்சம் அறிமுகம் செய்யப்படும் எனவும் கூகுள் நிறுவனம் தெரிவித்துள்ளது. மேலும் இந்த கூகுள் மீட் (Google Meet) அம்சம் தற்போது கூகுளின் AI சப்ஸ்கிரிப்ஷன் வைத்துள்ள பயனர்களுக்கு மட்டுமே கிடைக்கும் எனவும், இந்த 2025-ம் ஆண்டின் இறுதிக்குள் கூகுள் பயனர்கள் அனைவருக்கும் கிடைக்கும் என கூகுள் I/O 2025 நிகழ்வில் தெரிவித்துள்ளது. மேலும் இந்த குரல் உரையாடல் மொழிமாற்றம் செய்யும் இந்த அப்டேட் தற்போது வரை இந்தியாவுக்குக் கிடைக்கவில்லை. அமெரிக்காவில் கூகுள் ஜெமினி செயலியில் பிரீமியம் செலுத்தும் சந்தாதாரர்களுக்கு மட்டுமே கிடைப்பதாக தகவல் வெளியாகி உள்ளது.