Green Honeycreeper : ஒரு பக்கம் ஆண் மறுபக்கம் பெண் உடலமைப்பு கொண்ட "பச்சை நிற தேன் கொடி"

அப்படியொரு அதிசயத்தைத் ஒருவர் புகைப்படம் எடுத்துள்ளார். அரிதிலும் அரிய நிகழ்வாக ஒருபாதி ஆண் மறுபாதி பெண் என இருக்கும் பறவை குறித்த போட்டோ இணையத்தில் வைரலாகி  வருகிறது. இந்த குறிப்பிட்ட இன பறவையில் இதுபோன்ற அரிதான சம்பவம் கடந்த 100 ஆண்டுகளில் இதற்கு முன்பு ஒரே ஒரு முறை மட்டுமே  நடந்துள்ளது. இந்த அரியவகை பறவையில் அதன் உடலமைப்பில் ஒரு பாதி ஆண் நிறத்தையும் மறு பாதியில் பெண் இறகுகளையும் கொண்டுள்ளது.  ‘ஜினாண்ட்ரோமார்பிசம்’ என்று அழைக்கப்படும் இந்த பண்பை வெளிப்படுத்தும்  அரிய பறவைகளில் இதுவும் ஒன்றாகும்.

தென் அமெரிக்க நாட்டில்  கொலம்பியாவின் மனிசலேஸ் அருகே உள்ள ஒரு சிறிய பண்ணையில் தான் இந்த பறவையை ஆய்வாளர்கள் கண்டுபிடித்துள்ளனர். ‘பச்சை நிற தேன் கொடி பறவை’ அதாவது ஆங்கிலத்தில் இதை ‘Green Honeycreeper’ என்கிறார்கள் ஆய்வாளர்கள். ஜான் முரில்லோ என்பவர் தான் இந்த பறவையை முதலில் கண்டுபிடித்தார். இந்த பறவையின் புகைப்படத்தில் ஒரு பாதியில் அக்வா மற்றும் நீல இறகுகளும் மறுபுறம் மஞ்சள் மற்றும் பச்சை நிற இறகுகளும் உள்ள நிலையில் இரண்டிற்கும் நடுவே தெளிவான கோடு உள்ளது. இந்த தேன் கொடி பறவையில் (Green Honeycreeper) ஆண் பறவைகள் மட்டும் கறுப்புத் தலையுடன் கூடிய பிரகாசமான நீல நிற இறகுகளைக் கொண்டிருக்கும். பெண் பறவைகள் பச்சை நிறத்தில் இருக்கும்.