H3N2 Virus : இந்தியாவில் பரவும் புதிய வகை வைரஸ்.. ஐசிஎம்ஆர் எச்சரிக்கை

இந்தியாவில் புதிய வகை வைரஸ் பரவி வருவதாக ஐசிஎம்ஆர் The Indian Council of Medical Research (ICMR))  எச்சரிக்கை (H3N2 Virus) விடுத்துள்ளது. கடந்த இரண்டு வாரமாக மும்பை, டெல்லி, கான்பூரில் H3N2 வைரஸ் காய்ச்சல் வேகமாக பரவுவதாகவும், டெல்லியில் மட்டும் 11 ஆயிரம் வீடுகளில் எடுக்கப்பட்ட தரவுகளில் சுமார் 69 சதவீத வீடுகளில் குறைந்த பட்சம் ஒருவருக்கு இவ்வகை காய்ச்சல் இருப்பதாக ஐசிஎம்ஆர் தெரிவித்துள்ளது. மேலும் இது கொரோனா வைரஸ் போல அதிதீவிரமாக இருக்காது என்றபோதிலும், பொதுமக்கள் மிகுந்த எச்சரிக்கையுடன் இருக்க வேண்டும் என ஐசிஎம்ஆர் அறிவுறுத்தியுள்ளது. மேலும் குழந்தைகள், இதய நோய் சம்மந்தமான பிரச்சனை உள்ளவர்கள், ஆஸ்துமா பாதிப்பு உள்ளவர்கள் கவனமுடன் இருக்க அறிவுறுத்தப்பட்டுள்ளது.