Happy Raj Movie Review : லவ் ஸ்டோரி காமெடியா மாறிட்டதா? 

‘ஹேப்பி’ ராஜ் என்று அனைவராலும் அழைக்கப்படும் படத்தின் நாயகன் ஆனந்தராஜுக்கு பின்னால் ஒரு விசித்திரமான மற்றும் சங்கடமான அடையாளம் இருக்கிறது. நாயகன் ஆனந்தராஜின் தந்தை ஜார்ஜ் மரியன் குள்ளமாகவும், கட்டையாகவும் இருப்பதை அந்த ஊர் மக்கள் ‘குதிர முட்ட’ என்று கிண்டல் செய்கின்றனர். அவரது தந்தையின் இந்த அடையாளத்தால் “குதிர முட்ட பையன் குட்டி குதிர முட்ட” என்று நாயகன் ஆனந்தராஜை என்று ஊர் மக்கள் கிண்டல் செய்கின்றனர். இதுவே அவர் காதலிக்கும் பெண்கள் அவரை விட்டு விலகிச் செல்ல காரணமாகிறது. இதனால் வெளியூர் சென்றாவது ஒரு பெண்ணைக் காதலித்து திருமணம் செய்து கொள்ள வேண்டும் என்று முடிவுக்கு வந்து பெங்களூரில் வேலை செய்கிறார்.

‘ஹேப்பி’ ராஜ் பணிபுரியும் இடத்தில் ஒரு மிகப்பெரிய செல்வந்த குடும்பத்தைச் சேர்ந்த காவ்யா (ஸ்ரீ கௌரி பிரியா) மீது காதல் ஏற்படுகிறது. அவர் தனது குடும்ப பின்னணியை மறைக்க விரும்பாமல் தன் பெற்றோரின் புகைப்படங்களை காதலி காவ்யாவிடம் கொடுத்து உனக்கும் உன் பெற்றோருக்கும் என் பெற்றோர்களைப் பிடித்திருந்தால் மேற்கொண்டு நாம் பேசலாம் என்று கூறுகிறார். அதைத் தொடர்ந்து நிகழும் நிகழ்வுகளை இயக்குனர் கலகலப்பு மற்றும் காமெடி கலந்து வழங்கியுள்ளார்.