May Day History : மே தினம் உருவானது எப்படி? தோற்றம், முக்கியத்துவம் மற்றும் கொண்டாட்டம்!
Best Foods for Liver Health : கல்லீரல் ஆரோக்கியத்தை மேம்படுத்தும் சிறந்த 10 உணவுகள்.!
SSC Jobs 2026 : எஸ்.எஸ்.சி குரூப் டி மற்றும் குரூப் சி பிரிவில் 731 பணியிடங்கள்.. உடனே விண்ணப்பிங்க!

Highest Win Rate in IPL Matches - No. 1 Captain : ஐபிஎல் போட்டிகளில் அதிக வெற்றி விகிதம் - நம்பர் 1 கேப்டன் யார்?

மும்பை :

ஐபிஎல் தொடர் வரலாற்றில் வெற்றிகரமான கேப்டனாக இருந்த தோனி மற்றும் ரோகித் சர்மா என்று அனைவரும் கூறுகிறோம். அவர்கள் எத்தனை கோப்பைகளை வென்றார்கள், எத்தனை போட்டிகளில் வென்றார்கள் என்பதை வைத்து இதை சொல்லலாம். ஆனால் இப்போது வெற்றி விகிதத்தின் அடிப்படையில் (Highest Win Rate in IPL Matches – No. 1 Captain) வெற்றிகரமான கேப்டன் யார் என்று பார்ப்போம். இந்தப் பட்டியலில் பத்தாவது இடம் ஆர்சிபி கேப்டன் வெட்டோரி.

22 போட்டிகளில் ஆர்சிபி அணியின் கேப்டனாக இருந்தார். அவரது வெற்றி விகிதம் 54.54 சதவீதம். இந்த பட்டியலில் டெல்லி அணி கேப்டன் ரிஷப் பந்த் 9வது இடத்தில் உள்ளார். அவர் 30 போட்டிகளுக்கு கேப்டனாக இருந்து 55 சதவீத வெற்றியை பெற்றுள்ளார்.

வெற்றிகரமான கேப்டன் :(Highest Win Rate in IPL Matches - No. 1 Captain)

இந்தப் பட்டியலில் கவுதம் கம்பீர் எட்டாவது இடத்தைப் பிடித்துள்ளார். டெல்லி மற்றும் கொல்கத்தா அணிகளுக்கு 129 போட்டிகளில் கேப்டனாக இருந்து 55.42 சதவீதம் வெற்றி பெற்றுள்ளார். ராஜஸ்தான் ராயல்ஸ் அணியின் கேப்டனாக 55 போட்டிகளில் 55.45 வெற்றி சதவீதம் பெற்ற வார்னே பட்டியலில் ஏழாவது இடத்தில் உள்ளார்.

இந்த பட்டியலில் மும்பை இந்தியன்ஸ் கேப்டன் ரோஹித் சர்மா ஆறாவது இடத்தில் உள்ளார். 158 போட்டிகளில் கேப்டனாகவும், 87 போட்டிகளில் வெற்றி பெற்றுள்ளார். அவரது வெற்றி சதவீதம் 56.32. இந்த பட்டியலில் ஆர்சிபி கேப்டன் அனில் கும்ப்ளே ஐந்தாவது இடத்தில் உள்ளார். அவர் 26 போட்டிகளுக்கு கேப்டனாக இருந்து 57.69 வெற்றி விகிதம் பெற்றுள்ளார்.

இந்தப் பட்டியலில் மும்பை இந்தியன்ஸ் அணியின் கேப்டனாக இருந்த சச்சின் டெண்டுல்கர் நான்காவது இடத்தைப் பிடித்துள்ளார். அவர் 51 போட்டிகளுக்கு கேப்டனாக இருந்து 58.82 சதவீத வெற்றி விகிதத்தை எட்டியுள்ளார். இந்தப் பட்டியலில் சென்னை சூப்பர் கிங்ஸ் அணியின் கேப்டன் தோனி மூன்றாவது இடத்தில் உள்ளார். 226 போட்டிகளில் கேப்டனாகவும், 133 போட்டிகளில் வெற்றி பெற்றுள்ளார். அவரது வெற்றி சதவீதம் 59.37 ஆகும்.

இந்த பட்டியலில் ஆஸ்திரேலிய முன்னாள் கேப்டன் ஸ்மித் இரண்டாவது இடத்தில் உள்ளார். ஐபிஎல் தொடரில் 43 போட்டிகளில் மூன்று அணிகளுக்கு கேப்டனாக இருந்துள்ளார். இதில் அவரது வெற்றி சதவீதம் 59.52. இந்த பட்டியலில் ஹர்திக் பாண்டியா முதலிடத்தில் உள்ளார். குஜராத் அணிக்கு 31 போட்டிகளில் கேப்டனாக இருந்துள்ளார். அவரது வெற்றி விகிதம் 73.3 சதவீதம்.