Idly Kadai Box Office Day 1: இட்லி கடை திரைப்படத்தின் பாக்ஸ் ஆபீஸ் வசூல்?

இட்லி கடை படத்தின் புக்கிங் தொடங்கிய போது பெரிய அளவில் படக்குழுவினருக்கு திருப்தியைக் கொடுக்கவில்லை. கரூரில் விஜய் பரப்புரையின்போது ஏற்பட்ட கூட்ட நெரிசலில் 41 பேர் பலியான சோகத்தில் அதில் பெரும்பாலான ரசிகர்களின் கவனம் இருந்த நிலையில், படத்தின் புக்கிங் மிகவும் ஸ்லோவாகவே சென்று கொண்டு இருந்தது. சரி படம் ரிலீஸ் ஆன பிறகு ரசிகர்கள் என்ன சொல்கிறார்களோ அதைப் பொறுத்துதான் படம் வெற்றியை நோக்கி நகர்கிறதா? அல்லது தோல்வியை நோக்கி நகர்கிறதா என்ற கேள்வி பலருக்கும் இருந்தது. இந்நிலையில் ரசிகர்களிடம் இருந்து படத்திற்கு நல்ல விமர்சனம் கிடைத்து வருவதால் படக்குழு உச்சகட்ட மகிழ்ச்சியில் உள்ளது. மேலும் இந்த வாரத்தின் இறுதிக்குள் படம் பேமிலி ஆடியன்ஸால் ரசிக்கப்படும் என்ற அளவுக்கு படத்திற்கான விமர்சனங்கள் இருக்கின்றன. வார இறுதி நாட்களில் (Idly Kadai Box Office Day 1) படத்திற்கு எப்படியும் குடும்ப ரசிகர்கள் மற்றும் பெண் ரசிகர்கள் வருவார்கள் என்பதால் படத்தின் வசூல் அதிகரிக்கும் என்பதில் சந்தேகமே வேண்டாம். அதேபோல் இட்லி கடை படம் முதல் நாளில் இந்தியாவில் மட்டும் ரூபாய் 10.50 கோடிகள் வசூல் செய்துள்ளதாக சாக்நிக் வலைதளம் (Chaknix) தெரிவித்துள்ளது.