Idly Kadai Review : தனுஷ் நடித்துள்ள 'இட்லி கடை' படத்தின் திரை விமர்சனம்

அப்பா சிவனேசன் (ராஜ்கிரண்) தனது மனைவியுடன் சேர்ந்து கிராமத்தில் உருவாக்கிய இட்லி கடையில் தினமும் அதிகாலையில் எழுந்து ஆட்டுக்கல்லில் மாவும், அம்மி கல்லில் சட்னி அரைத்தும் சிறிய கூரை வேய்ந்த இட்லி கடையை நடத்தி வருகிறார். அது அந்த ஊரின் பழமையான அடையாளமாகவும் உள்ளது. அப்பாவின் இட்லி கடையை பெரிய ஃபிரான்சைஸ் (Franchise) ஆக மாற்ற முடிவு செய்யும் முருகன் (தனுஷ்) முயற்சிக்கு சிவனேசன் (ராஜ்கிரண்) எல்லா இடத்துலையும் நானே சமைக்க முடியுமா? என்று கேட்க தனுஷின் கனவு தவிடு பொடியாகிறது. ஒரு கட்டத்தில் குண்டுச் சட்டிக்குள்ளே குதிரை ஓட்ட முடியாது, நான் மெட்ராஸ் போறேன் என கோபித்துக்கொண்டு (Idly Kadai Review) முருகன் (தனுஷ்) கிளம்ப, அவர் வெளிநாட்டில் வசிக்கும் பெரிய உணவு நிறுவனர் விஷ்ணு வர்தனின் (சத்யராஜ்) நிறுவனத்தில் வேலைக்கு சேர்ந்து பதவி உயர்வு பெற்று சத்யராஜின் மகளையே தனுஷுக்கு கட்டித் தர இருக்கும் நிலையில், தந்தை சிவனேசனின் மறைவு செய்தி அறிந்து தனுது சொந்த ஊருக்கு திரும்பும் முருகன், சத்யராஜின் மகளை திருமணம் செய்து கொண்டாரா? அப்பா உயிருக்கு உயிராக நேசித்த இட்லி கடையை எடுத்து நடத்தினாரா? என்பது தான் ‘இட்லி கடை’ படத்தின் கதை.