IND vs AUS 3rd ODI : ஆஸ்திரேலியாவிற்கு எதிரான கடைசி ஒருநாள் போட்டியில் இந்தியா அபார வெற்றி..!

இந்தப் போட்டியில் டாஸ் வென்ற ஆஸ்திரேலியா அணி முதலில் பேட்டிங் செய்வதாக அறிவித்த நிலையில், அந்த அணியில் தொடக்க வீரர்களாக மிட்செல் மார்ஷ் – டிராவிஸ் ஹெட் ஜோடி களமிறங்கினர். அணிக்கு வலுவான தொடக்கம் கொடுத்த நிலையில் ஹெட் 29 ரன்னிலும், மிட்செல் மார்ஷ் 41 ரன்னிலும் வெளியேறினர். பிறகு களமிறங்கிய ரென்ஷா ஒருபுறம் நிலைத்து நின்று ஆடி 56 ரன்னில் அவுட் ஆக மறுபுறம் விக்கெட்டுகள் சரிந்த வண்ணம் இருந்தன. 46.4 ஓவரில் ஆஸ்திரேலியா அனைத்து விக்கெட்டையும் இழந்து 236 ரன்கள் எடுத்தது. இதனால் இந்தியாவுக்கு 237 ரன்கள் வெற்றி இலக்காக (IND vs AUS 3rd ODI) நிர்ணயிக்கப்பட்டது. இந்திய அணியில் ஹர்ஷித் ராணா 4 விக்கெட்டும், வாஷிங்டன் சுந்தர் 2 விக்கெட்டும், சிராஜ்,  குல்தீப் யாதவ், பிரசித் கிருஷ்ணா, அக்‌சர் பட்டேல் தலா 1 விக்கெட்டையும் வீழ்த்தினர். 

இதனைத் தொடர்ந்து, 237 ரன்கள் எடுத்தால் வெற்றி என்ற இலக்குடன் இந்திய அணி கேப்டன் சுப்மன் கில் – ரோகித் சர்மா ஜோடி களமிறங்கினர். அணிக்கு சிறப்பான தொடக்கம் கொடுத்த இந்த ஜோடியில் கில் 24 ரன்னுக்கு ஆட்டமிழந்தார். இதன் பிறகு ரோகித் – கோலி ஜோடி தங்களது சிறப்பான பேட்டிங்கை வெளிப்படுத்தி இருவரும் அரைசதம் அடித்து அசத்தினார். இந்த ஜோடியை உடைக்க ஆஸ்திரேலிய பவுலர்கள் கடுமையாக போராடினர். ஆனாலும், அவர்களது பந்து சிதறவிட்டு சிறப்பான ரன் குவிப்பில் ஈடுபட்ட இந்த ஜோடியில் ரோகித் சர்மா 105 பந்துகளில் தனது 33வது சர்வதேச ஒருநாள் சதத்தை சிட்னி மண்ணில் விளாசினார். மேலும் ஆஸ்திரேலியாவில் அதிக சதம் விளாசிய முதல் வெளிநாட்டு வீரர் என்ற பெருமையையும் பெற்றார்.