Ind-W vs Pak-W : மகளிர் உலகக் கோப்பை.. பாகிஸ்தானை வீழ்த்தி இந்திய அணி அபார வெற்றி..!

நடப்பு மகளிர் உலகக் கோப்பை கிரிக்கெட் தொடரில் பாகிஸ்தான் அணியை ஹர்மன்பிரீத் தலைமையிலான இந்திய அணி 88 ரன்கள் வித்தியாசத்தில் (Ind-W vs Pak-W) வீழ்த்தி அபார வெற்றி பெற்றுள்ளது. 8 அணிகள் பங்கேற்றுள்ள 13வது மகளிர் உலகக் கோப்பை கிரிக்கெட் தொடர் செப்டம்பர் 30-ம் தேதி முதல் இந்தியா மற்றும் இலங்கையில் நடந்து வருகிறது. இதில் இலங்கை கொழும்புவில் உள்ள பிரேமதாசா மைதானத்தில் நேற்று நடைபெற்ற 6வது லீக் ஆட்டத்தில் இந்திய அணி, பாகிஸ்தானை எதிர்கொண்டது. இந்த ஆட்டத்தில் டாஸ் வென்ற பாகிஸ்தான் அணி கேப்டன் பாத்திமா சனா முதலில் பந்து வீச்சை தேர்வு செய்தார். இதனை தொடர்ந்து இந்திய அணியில் தொடக்க வீரர்களாக பிரதிகா ராவல் மற்றும் ஸ்மிருதி மந்தனா களமிறங்கினர். பெரிதும் எதிர்பார்க்கப்ட்ட ஸ்மிருதி மந்தனா 23 ரன்களில் ஆட்டமிழந்தார். தொடர்ந்து பிரதிகா 31 ரன்னிலும், கேப்டன் ஹர்மன்பிரீத் 19 ரன்னிலும், ஹர்லீன் 46 ரன்னிலும், ஜெமிமா 32 ரன்னிலும், ஸ்னே ராணா 20 ரன்னிலும், தீப்தி 25 ரன்னிலும், ஸ்ரீசரணி 1 ரன்னிலும் வெளியேற, இந்திய அணி நிர்ணயிக்கப்பட்ட 50 ஓவர்களில் 247 ரன்களுக்கு ஆல் அவுட் ஆனது. பாகிஸ்தான் அணியில் சிறப்பாக பந்து வீசிய டயானா பாய்ஜி 4 விக்கெட்களை கைப்பற்றினார்.