Ind-w Vs SA-w : மகளிர் உலகக் கோப்பை.. இந்தியா - தென்னாப்பிரிக்கா இன்று பலப்பரீட்சை..!

மகளிர் உலகக் கோப்பை கிரிக்​கெட் போட்​டி​யின் இன்று பிற்​பகல் 3 மணிக்கு ஆந்​திர மாநிலம் விசாகப்​பட்​டினத்​தி​ல் அமைந்துள்ள டாக்டர் ஒய்எஸ் ராஜசேகர ரெட்டி ஏசிஏ-விடிசிஏ கிரிக்கெட் மைதானத்​தில் நடைபெறும் 10வது லீக் ஆட்டத்தில் இந்​தி​யா – தென்னாப்பிரிக்கா அணி​கள் பலப்பரீட்சை (Ind-w Vs SA-w) நடத்துகின்றன. இந்தியா, பாகிஸ்தான், இலங்கை, வங்கதேசம், ஆஸ்திரேலியா, இங்கிலாந்து, தென்னாப்பிரிக்கா, நியூசிலாந்து ஆகிய 8 அணிகள் பங்கேற்றுள்ள மகளிர் உலகக்கோப்பை கிரிக்கெட் தொடர், செப்டம்பர் 30-ம் தேதி முதல் இலங்கை மற்றும் இந்தியாவில் நடைபெற்று வருகிறது. மகளிர் உலகக்கோப்பை தொடரில், இலங்கை மற்றும் பாகிஸ்தான் அணிகளுடன் மோதி இரண்டு வெற்றிகளை பெற்றுள்ள இந்திய மகளிர் அணி, புள்ளிப்பட்டியலில் 3வது  இடத்தில் உள்ளது. முதல் 2 இடங்களில் ஆஸ்திரேலியா மற்றும் இங்கிலாந்து ஆகிய அணிகள் உள்ளன.