மும்பை வான்கடே மைதானத்தில் நடைபெற்ற குரூப் ஏ போட்டியில் இந்தியா 20 ஓவர்களில் 9 விக்கெட் இழப்புக்கு 161 ரன்கள் எடுத்து (India Beat USA T20 WC) அமெரிக்காவை வென்றுள்ளது. இந்திய அணி இந்த டி20 உலகக் கோப்பை 2026 தொடரில் தனது முதல் போட்டியிலேயே அமெரிக்காவை வீழ்த்தி, வெற்றிகரமான தொடக்கத்தை பதிவு செய்துள்ளது. இந்திய வீரர்களின் வலுவான பேட்டிங் வரிசை, மற்றும் சிறப்பான பந்துவீச்சு இந்திய அணியை வெற்றி பெறச் செய்துள்ளது.
தொடக்கத்தில் பின்னடைவு கண்ட இந்தியா சூர்யகுமாரால் மீண்டது
ஷாட்லி வான் ஷால்க்விக்கின் சிறந்த பந்துவீச்சானது இந்த போட்டியின் ஹைலைட் ஆகும். இந்திய அணியின் தொடக்கத்தை அவரது ஸ்விங் மற்றும் யார்க்கர்கள் சீர்குலைத்தன. தொடக்க வீரர் அபிஷேக் சர்மா டக்அவுட்டானார். கிஷான் 20, மற்றும் திலக் வர்மா 25 ரன்கள் மட்டுமே எடுத்தனர். ஷிவம் துபேயும் டக்அவுட்டானார். அது இந்தியாவை 72/5 என்ற நிலைக்கு தள்ளியது. சூர்யகுமார் யாதவ் 36 பந்துகளில் 84 ரன்களை குவித்து 72/5 வரை சரிந்திருந்த இந்திய அணியை மீட்டெடுத்தார். சூர்யகுமார் யாதவ் 17.1 ஓவரில் அரைசதம் எடுத்தார். ரிங்கு சிங் 14 ரன்களும் (6 பந்துகளில்), மற்றும் அக்சர் படேல் 14 ரன்களும் (11 பந்துகளில்) எடுத்தனர். இந்தியா 161 ரன்கள் எடுத்தது.
அமெரிக்க வீரர்களை திணறடிக்க வைத்த சிராஜ்ஜின் ஸ்விங் மற்றும் பேஸ்
சிராஜ்ஜின் ஸ்விங் மற்றும் பேஸ் அமெரிக்க வீரர்களை திணறடிக்க வைத்தது. சிராஜ்ஜின் முதல் ஓவரில் அண்ட்ரீஸ் கௌஸ் LBW அவுட் ஆனது மிகப் பெரிய ஷாக் ஆகும். சிராஜ் இந்தப் போட்டியில் 29 ரன்கள் மட்டுமே கொடுத்து 3 விக்கெட்களை வீழ்த்தினார். பின்னர் சிராஜ் மற்றும் ஹர்திக் பாண்டியா இணைந்து நடுப்பகுதியில் 110/7 என்ற நிலை ஏற்படுத்தினர். சிராஜின் சிறந்த பந்துவீச்சு அமெரிக்காவின் ஆட்டத்தை சீர்குலைத்து இந்திய அணியின் வெற்றிக்கு அடித்தளமிட்டது. சுப்ரம் ரஞ்சனே Six அடித்த போதிலும் அமெரிக்க அணி 132/8 என்று முடித்தது.
ஆட்ட நாயகன் சூர்யகுமார் யாதவ் (India Beat USA T20 WC)
சூர்யகுமார் யாதவ் அரைசதம் 17.1 ஓவரில் வந்தது. சூர்யகுமார் யாதவ் 84 ரன்கள் அடித்து மாஸ்டர் ஸ்ட்ரோக் மற்றும் ஸ்ட்ரைக் ரேட் 233+ பெற்றுள்ளார். ஆட்ட நாயகனாக தேர்வு பெற்றுள்ளார்.
நெட் ரன் ரேட்டிலும் இந்தியா முன்னிலை பெற்றுள்ளது
இந்த வெற்றி இந்திய அணியின் இந்த தொடருக்கு நல்ல தொடக்கம் ஆகும். 2 புள்ளிகளை இந்த வெற்றி மூலம் பெற்றுள்ள இந்தியா நெட் ரன் ரேட்டிலும் முன்னிலை பெற்றுள்ளது. உலகக் கோப்பை தொடரில் இந்திய அணியின் சாம்பியன் கனவுக்கான சரியான தொடக்கம் இதுவென ரசிகர்கள் உற்சாகத்தில் உள்ளனர்.
