India House Inauguration In Olympics 2024 : பாரிஸ் ஒலிம்பிக் 2024ல் ரிலையன்ஸ் அறக்கட்டளை, IOA உடனான கூட்டு முயற்சி

இந்தியா ஹவுஸ் ஆனது இந்திய ஒலிம்பிக் சங்கம் (IOA) உடனான கூட்டுறவின் ஒரு பகுதியாக ரிலையன்ஸ் அறக்கட்டளையால் உருவாக்கப்பட்டுள்ளது. பாரிஸ் ஒலிம்பிக் 2024 இல் இந்தியா ஹவுஸ் திறப்பு விழா ஜூலை 27 அன்று (India House Inauguration In Olympics 2024) நடைபெற்றது. IOA உறுப்பினர் நிதா அம்பானி பார்க் டி லா வில்லேட்டுக்கு அருகில் உள்ள இந்தியா ஹவுஸை திறந்து வைத்து தொடக்க விழாவிற்கு தலைமை தாங்கினார். IOA தலைவர் பி.டி.உஷா மற்றும் BCCI செயலாளர் ஜெய் ஷா ஆகியோர் கலந்து கொண்டனர். பிரபல நட்சத்திரங்கள் மற்றும் பிரதிநிதிகள் பங்கேற்றனர். திறப்பு விழா ஆனது இசை நிகழ்ச்சியுடன் வண்ணமயமாக நடத்தப்பட்டது.

முதல் முறையாக பாலிவுட் பாடகர் ஷான் 2024 ஆம் ஆண்டு பாரிஸ் ஒலிம்பிக்கின் இந்தியா ஹவுஸ் திறப்பு விழாவில் (India House Inauguration In Olympics 2024) பங்கேற்று உள்ளார். இந்தியா ஹவுஸ் ஆனது இந்தியாவின் வளமான பாரம்பரியத்தைக் கொண்டாடும். அதன் தினசரி பொழுதுபோக்கு நிகழ்ச்சிகள் சிறப்பாக நிர்வகிக்கப்பட்டு அதன் மூலம் இந்தியாவின் வளமான கலை மற்றும் கலாச்சாரம் வெளிப்படுத்தப்படும். நிதா முகேஷ் அம்பானியின் கலாச்சார மையத்தால் சிறப்பாக நிர்வகிக்கப்படும். இந்திய கலாச்சாரம், கலைகள், விளையாட்டுகள், தொழில்நுட்பம் மற்றும் உணவுப்பொருள் ஆகியவற்றில் ஆழ்ந்த அனுபவத்தை வழங்கும். இது இந்தியாவின் செழுமையான பாரம்பரியத்தின் தனித்துவத்தை பிரதிபடுத்தும். யோகா அமர்வுகள், கலாச்சார பட்டறைகளில் ரசிகர்கள் ஈடுபடலாம் மற்றும் பாரம்பரிய இந்திய கைவினைப்பொருட்களைக் கண்டறியலாம்.

இந்தியா ஹவுஸ் திறப்பு விழாவில் பாலிவுட், ஃப்யூஷன் மற்றும் கன்டெம்பரரி போன்ற வகைகளுடன் பிளாக்பஸ்டர் இசை பார்வையாளர்களை கவர்ந்தது. ஷான் தனது மிகப்பெரிய சார்ட்பஸ்டர்களில் தன்ஹா தில் மற்றும் தீவாங்கி தீவாங்கி போன்ற சில பாடல்களுடன் தனது கவர்ச்சிகரமான நடிப்பால் பார்வையாளர்களை கவர்ந்தார். பார்வையாளர்களை 2000-களின் முற்பகுதிக்கு அழைத்துச் சென்றார். ஒலிம்பிக் போட்டிகளின் வரலாற்றில் இந்தியா ஹவுஸ் ஒரு வரலாற்று மைல்கல்லைப் பிரதிபலிக்கிறது.