India New Coach : புதிய பயிற்சியாளராக தேர்ந்தெடுக்கப்படுவாரா ஸ்டீபன் பிளெமிங்?

உலகெங்கிலும் உள்ள தகுதியுள்ள எவரும் விண்ணப்பிக்கலாம் என்றாலும், சென்னை சூப்பர் கிங்ஸின் வெற்றிகரமான பயிற்சியாளரான ஸ்டீபன் பிளம்மிங்கை இந்திய அணியின் (India New Coach) பயிற்சியாளராக நியமிக்க பிசிசிஐ நகர்வதாக கூறப்படுகிறது. இதுகுறித்து ஸ்டீபன் பிளம்மிங்கிடம் பிசிசிஐ பேசியதாகவும் கூறப்படுகிறது. ஆனால் அதற்கு அவர் சம்மதிப்பாரா என்பது தெரியவில்லை. இது குறித்து சிஎஸ்கே நிர்வாகத்திடம் அவர் இதுவரை பேசவில்லை என்றும் கூறப்படுகிறது. தற்போது சிஎஸ்கே மட்டுமின்றி பல்வேறு உள்ளூர் டி20 அணிகளுக்கும் பயிற்சியாளராக உள்ளார். CSK இன் சகோதர அணிகளான ஜோபர்க் சூப்பர் கிங்ஸ் மற்றும் டெக்சாஸ் சூப்பர் கிங்ஸ் ஆகியவை ஸ்டீபன் ஃப்ளெமிங்கால் பயிற்சியளிக்கப்படுகின்றன. இங்கிலாந்தின் 100 Ball தொடரில் “சதர்ன் பிரேவ்” அணியின் தலைமை பயிற்சியாளராக உள்ளார். இந்த ஆண்டு நடைபெறும் ஆஸ்திரேலியாவின் பிக் பாஷ் லீக்கில் ஏதேனும் ஒரு அணிக்கும் அவர் பயிற்சியாளராக நியமிக்கப்படுவார் என்று கூறப்படுகிறது.

எனவே இந்த வாய்ப்புகளையெல்லாம் விட்டுவிட்டு இந்திய அணியில் இணைவாரா? என்பது கேள்விக்குறியாக உள்ளது. மேலும், அவர் இந்திய அணியின் தலைமை பயிற்சியாளராக வந்தால், ஐபிஎல் தொடரின் இரண்டு மாதங்கள் தவிர, மற்ற பத்து மாதங்கள் இந்திய அணியுடன் பயணிக்க வேண்டும். எனவே, இந்த மிகப்பெரிய பொறுப்பை ஸ்டீபன் ஃப்ளெமிங் ஏற்பாரா? என்ற கேள்வி எழுந்துள்ளது. ஸ்டீபன் பிளெமிங் 2009 ஆம் ஆண்டு முதல் சென்னை சூப்பர் கிங்ஸ் அணியின் பயிற்சியாளராக (India New Coach) பணியாற்றி வருகிறார். அவரது தலைமையில் அந்த அணி ஐந்து முறை ஐபிஎல் கோப்பையை வென்றுள்ளது. சாம்பியன்ஸ் லீக் கோப்பையை இரண்டு முறை வென்றுள்ளது.